Olosamo 30:1-12
-
Esumuo li pongoloka esanju
-
Ohenda ya Suku yi kala omuenyo wosi (5)
-
Ocisungo coku tumbika onjo. Osamo ya Daviti.
30 A Yehova, ndi ka ku kemãlisa, momo wa ndi votola;Kua ecelele okuti ovanyãli vange va sanjukila oku kupuka kuange.+
2 A Yehova, Suku yange, nda kalukila kokuove oku pinga ekuatiso kuenje wa ndi kayisa.+
3 A Yehova, ove wa ndi votola Vonjembo.*+
Ove wa ecelela okuti ndi kala lomuenyo; kua ecelele okuti ndi kupukila vocitunu.*+
4 Imbili Yehova ovisungo viesivayo,* ene amanu wa koleli kokuaye,+Panduli onduko yaye yi kola;*+
5 Momo onyeño yaye komunu yi kala ño otembo yitito,+Pole, uwa waye ku una eye a lekisa ohenda u kala vokuenda kuomuenyo wosi.+
Koñolosi pamue ku iya oku lila, pole, komẽle ku kala oku liyula kuesanju.+
6 Osimbu nda kala lombembua nda popia hati:
“Lalimue eteke ndi sengiwa.”*
7 A Yehova, osimbu nda kala vohenda yove, ove wa ndi pamisa calua ndomunda.+
Pole, eci wa vundisa ocipala cove, nda kala lusumba.+
8 A Yehova, ndamamako oku ku vilikiya;+Kuenda ndamamako oku pinga ohenda ku Yehova.
9 Onganyu yipi yi tunda koku fa* kuange, koku lokila kuange vocitunu?*+
Anga hẽ oneketela yi ka ku sivaya?+ Yi ka sapula hẽ ekolelo liove?+
10 A Yehova, yevelela kuenda ndekise ohenda.+
A Yehova, linga oñuatisi yange.+
11 Esumuo liange ove wa li pongolola oku piluka;Ove wa njupa ocikelẽi kuenda wa ndi walisa esanju,
12 Oco ndu* ku imbile ovisungo viesivayo kuenda si ũhiko.
A Yehova, Suku yange, ndi ku sivaya otembo ka yi pui.
Atosi Pombuelo
^ Okuti, ocitumãlo mu kendiwa omanu va fa.
^ Ale “veyambo.”
^ Ale “Oku linga ovisungo.”
^ Lit., “onjivaluko.”
^ Ale “lalimue eteke ndi yengenga.”
^ Lit., “osonde.”
^ Ale “veyambo.”
^ Ale “ulamba wange.”
