Olosamo 31:1-24
Kusongui wolonjimbi. Osamo ya Daviti.
31 A Yehova, nda sanga ocitililo vokuove.+
Lalimue eteke si ka kutisiwe osõi.+
Mopele omo liesunga liove.+
2 Vonguila etũi* liove kokuange.
Enju lonjanga oku mopela.+
Kala omunda yange yocitililo,Ocitumãlo cimue ci kuete oviteyuilo coku mopela.+
3 Momo ove wusenje liange kuenda wuciteyuilo cange;+O ka ndi songuila loku ndekisa onjila,+ mekonda lionduko yove.+
4 Ove o ka ndi yovola konjanjo* ovo va ndi kapela vuyombeki,+Momo ove wumbonge yange.+
5 Ngeca omuenyo* wange peka liove.+
A Yehova, ove wa ndi yovola, a Suku yocili.*+
6 Nda suvuka vana va fendela oviteka viaño,Pole, ame nda kolela ku Yehova.
7 Ndi ka sanjukila calua vocisola cove ka ci pongoloka,Momo ove wa siata oku mola ohali yange;+Ove wa kũlĩha esumuo liange lialua.
8 Ove kua ngecele peka liunyãli,Pole, wa ndi talamisa pocitumãlo cimue ca koka.*
9 A Yehova, ndekise ohenda, momo nda sumua.
Ohali ya honguisa ovaso ange+ kuenda etimba liange liosi.+
10 Omuenyo wange weyuka esumuo,+Kuenda anyamo ange eyuka oku lisiõsiõla.+
Ongusu yange ya tepuluka omo lioku lueya kuange;Akepa ange a hongua.+
11 Nda sepuiwa lovanyãli vange vosi,+Ca piãla enene vana va lisungue lame.
Akamba vange va ñuetele usumba;Kuenje eci va ndi mola volokololo va ndi tila.+
12 Va njupa vovitima* viavo kuenda va njivala ndu okuti nda fa;Ndi kasi ndesanga lia tetuka.
13 Nda yeva ovina vĩvi omanu va popia;Usumba wa ndi ñuala.+
Eci ovo va likongela oku ndi katukila,Va sokiya oku upa omuenyo wange.+
14 Pole, A Yehova, nda ku kolela.+
Ndi popia siti: “Ove wu Suku yange.”+
15 Omuenyo wange u kasi peka liove.
Mopele peka liovanyãli vange kuenda lia vana va ndi lambalala.+
16 Lekisa ohenda kukuenje wove.+
Mopele omo liocisola cove ka ci pongoloka.
17 A Yehova, si ka kutisiwe osõi eci ndi vilikiya kokuove.+
Olondingaĩvi vi kutisiwe osõi;+Ovio vi ũhile Vonjembo.*+
18 Olohembi vi linge ovitende,+Olohembi vina vi vangula loku lipanda, lepela kuenda oku pembula vakuesunga.
19 Uwa wove walua cimue!+
Wa u selekela vana va ku sumbila,+Kuenda wa u lekisa kovaso yomanu vosi mekonda lia vana va sanda ocitililo kokuove.+
20 Ove o ka va salamisa vocitumãlo cove cuyombeki+Kusuanji womanu;O ka va vundisa vocitililo coveKu vana va va lundila.*+
21 Yehova a sivayiwe,Momo lonjila yi komõhisa, eye wa lekisa kokuange ocisola caye+ ka ci pongoloka eci nda kala volupale lua ñualiwa ocingonja.+
22 Catiamẽla kokuange, nda sakalalele kuenje da popia siti:
“Ndi ka kunduiwa kovaso ove.”+
Pole, wa yeva apingilo ange ekuatiso eci nda ku vilikiya.+
23 Soli Yehova, ene vosi wa koleli kokuaye!+
Yehova o teyuila vakuekolelo,+Pole, o fetuluinya calua wosi o lekisa epela.+
24 Kuati utõi kuenda utima wene u pame,+Vosi yene wa koleli ku Yehova.+
Atosi Pombuelo
^ Ale “Petama kuenda yevelela.”
^ Lit., “kowanda.”
^ Ale “a Suku wa koleliwa.”
^ Ale “efuimo.” Lit., “espiritu.”
^ Ale “ocitumãlo ca lisanja.”
^ Ale “vovisimĩlo.”
^ Okuti, ocitumãlo mu kendiwa omanu va fa.
^ Lit., “Kuyaki walimi.”
