Olosamo 42:1-11
Kusongui wolonjimbi. Masikili* yomãla va Kora.+
42 Ndeci osonge yi livela olondui viovava,Haico ndu ku livela, A Suku.
2 Ame ñuetele enyona Suku, Suku o kasi lomuenyo.+
Eteke lipi ndiya oco ndi molẽhe kovaso a Suku?+
3 Asuẽlẽla ange a linga okulia kuange utanya luteke;Eteke liosi omanu va ndi sepula vati: “Suku yove okasi pi?”+
4 Njivaluka ovina evi kuenda ndi situlula ovisimĩlo viange viosi,Momo nda endaenda kumue lowiñi;Nda endaenda levando kovaso yavo toke konjo ya Suku,Lolondaka vionjolela kuenda violopandu,Lolondaka viowiñi u kasi oku sambiliya ocipito.+
5 Momo lie nda puila elavoko?+
Momo lie nda sakalalela?
Ndi ka kevelela ku Suku,+Momo ame handi ndu ko sivaya Ndupopeli wange.+
6 A Suku yange, ame nda pua elavoko.+
Eli olio esunga lieci ndu ku ivalukila,+Kofeka yo Yordão lo kolosungu vio Herimone,Kuenda Komunda Misare.*
7 Ovava a longa a vilikiya ovava a longaPocakati cokuõla kuolomupa viove.
Akimba ove osi a pama a ndi tuvika.+
8 Kutanya Yehova o ka ndi muisa ocisola caye ka ci pongoloka,Kuenda kuteke ndi ka imba eci catiamẽla kokuaye okuti, ohutililo yimue ku Suku yomuenyo wange.+
9 Ndi ka sapuila Suku esenje liange hati:
“Momo lie wa njivalela?+
Momo lie ndi ñualaila lesumuo omo liohali yi kokiwa lunyãli wange?”+
10 Ovanyãli vange va ndi sepula lesuvu;*Eteke liosi ovo va ndi sepula vati: “Suku yove o kasi pi?”+
11 Momo lie nda puila elavoko?
Momo lie nda sakalalela?
Ndi ka kevelela ku Suku,+Momo ame handi ndu ko sivaya Ndupopeli wange haeye Suku yange.+
