Olosamo 45:1-17
Kusongui wolonjimbi; elaka liaco “Olonelẽho.” Osamo yomãla va Kora.+ Masikili.* Ocisungo cocisola.
45 Utima wange u vetiyiwa leci ciwa.
Ndi popia siti: “Ocisungo cange,* catiamẽla kosoma yimue.”+
Elimi liange li kale opena+ yukuavisonehua umue wa loñolõha.+
2 A soma, ove wa finapo vali pokati komãla vomanu.
Vomẽla wove mu tunda olondaka viwa.+
Eli olio esunga lieci Suku a ku sumũlũisila otembo ka yi pui.+
3 Okuonene, malẽha osipata yove+ vombunda,+Kumue lekemãlo liove kuenda eposo liove.+
4 Veposo liove, kuende keyulo;*+Endela kokavalu omo liocili lumbombe kuenda esunga,+Kuenje eka liove liondio, li ka tẽlisa* ovina vi komõhisa.
5 Ovisongo viove via tua, vi ka toma utima wovanyãli va soma;+Omanu vamamako oku kupuka kovaso yove.+
6 Suku eye ocalo cove otembo ka yi pui;+Epangati liusoma wove, epangati limue lia suñama.*+
7 Ove wa sola esunga+ kuenda wa suvuka ungangala.+
Eli olio esunga lieci Suku, Suku yove a ku wavekela+ calua lulela wesanju+ okuti, olosoma vikuavo vi sule.
8 Ovowalo ove osi a lehĩsiwa lo mura, locandala kuenda o kasia;Ovikuata viovisikilo via pangiwa lovikolo, vi ku sanjuisa oku upisa kelombe liove linene lina lia posuisiwa lolombinga vionjamba.
9 Omãla vakãi volosoma va kasi pokati kolombuale viove viakãi.
Nasoma o tãi kondio yove kuenda wa liposuisa lulu wo ko Ofiri.+
10 Yevelela Amõla ukãi kuenda vongola etũi liove;Ivalako omanu vove kuenda onjo ya isiove.
11 Kuenje soma o ka livela eposo liove,Momo eye ñala yove,Omo liaco, u kekamẽla.
12 Omõla ufeko wa Turo o keya lombanjaile yimue;Olohuasi via velapo vi ka sanda ohenda yove.*
13 Vokati kelombe, omõla ukãi wa soma weyuka lulamba;Uwalo waye wa posuisiwa lulu.*
14 Eye o ka tualiwa ku soma lovowalo a fina.*
Afeko vosombo vana va kasi oku u kuama, va tualiwa kovaso yove.
15 Ovo va ka neniwa lonjolela kuenda lesanju;Ovo va ka iñila velombe lia soma.
16 A soma, omãla vove va ka piñala pomangu ya vakukululu yove.
Ove o ka va nõla oco va linge olombuale kilu lieve liosi.+
17 Ame ndi ka longisa ovitumbulukila viosi vi keya eci catiamẽla konduko yove.+
Eli olio esunga lieci omanu va ka ku sivayela otembo ka yi pui.
Atosi Pombuelo
^ Tala Elomboluilo.
^ Lit., “Ovopange ange.”
^ Lit., “li ka ku longisa.”
^ Ale “kuata onima yiwa.”
^ Ale “liesunga.”
^ Ale “vi ka tulumũla ocipala cove.”
^ Lit., “lovivela viulu.”
^ Ale pamue, “ovikutu via tutiwa.”
