Olosamo 46:1-11
Kusongui wolonjimbi. Osamo yomãla va Kora.+ Ndomo ci likuata lo Alamote.* Ocisungo.
46 Suku eye ocitililo haeye ongusu yetu,+Olonjanja viosi tu pondola oku kuata ekuatiso liaye kotembo yohali.+
2 Eli olio esunga lieci ka tu ka kuatela usumba ndaño ilu lieve li pongoloka,Ndaño olomunda vi kupukila valondo okalunga,+
3 Ndaño ovava okalunga õla kuenda a tunda efelefele,+Ndaño olomunda vi luluma omo lioku tema kualio. (Sela)
4 Kuli olui lumue okuti olondui via tepiwamo, vi kokela olupale lua Suku oku sanjuka,+Otavernakulu yi kola haiyo yinene ya Fũ.
5 Suku o kasi volupale;+ oluo ka lu pondola oku nyõliwa.
Suku o keya oku lu kuatisa koku ca.+
6 Olofeka via sakalala, ovosoma a kunduiwa;Suku wa kaluka londaka yaye kuenje ilu lieve lia yenguluka.+
7 Yehova ukualohoka o kasi letu;+Suku ya Yakoba ocitililo cetu ca koka.* (Sela)
8 Enjui kuenda ndo tali ovopange a Yehova,Ndomo eye a kasi oku linga ovina vi komõhisa kilu lieve.
9 Eye o kasi oku nena esulilo liovoyaki kilu lieve liosi.+
O teya ohonji kuenda o nyanyõla onjelia;Eye o timĩha akãlu uyaki* vondalu.
10 “Li eci kuenda kũlĩhi okuti, ame Suku.
Ndi ka kemãlisiwa pokati kolofeka;+Ndi ka kemãlisiwa kilu lieve.”+
11 Yehova ukualohoka o kasi letu;+Suku ya Yakoba ocitililo cetu ca koka.+ (Sela)
