Olosamo 5:1-12
Kusongui wolonjimbi ku Nehiloti.* Osamo ya Daviti.
5 A Yehova, yevelela olondaka viange;+Kuata elomboloko lioku leña leña kuange kuohali.
2 Yevelela oku liyula kuange kuekuatiso,A Soma yange kuenda a Suku yange, momo ndi likutilila kokuove.
3 A Yehova, o ka yevelela ondaka yange komẽle;+Komẽle ha ku sapuila esakalalo liange+ kuenda ndi talamẽla etambululo liove.
4 Momo ove ku Sukuko yi sanjukila evĩho;+Layimue ondingaĩvi yamamako oku kala love.+
5 Lomue omunu ukuakulipanda o talama kovaso ove.
Ove o suvuka omanu vosi va lingainga evĩho;+
6 Ove o ka kundula vana va vangula ovohembi.+
Yehova o nyãle omanu olongangala kuenda olohembi.*+
7 Pole, ame ndi ka iñila vonjo yove+ omo liocisola cove ca piãla haico ka ci pongoloka;+Ndi ka kekamẽla kovaso yonembele yove yi kola* oco ndekise esumbilo lialua kokuove.+
8 A Yehova, ndi songuile vesunga liove omo liovanyãli vange;Ñuatise oku endela vonjila yove okuti, si lilondoka.+
9 Momo lacimue ovo va popia okuti ci koleliwa;Vokati kavo muli lika evĩho;Enguli liavo eyambo limue li kasi upulule;Ovo va eca epandiyo liesanda lelimi liavo.+
10 Pole, Suku o ka va pisa;Asokiyo avo oku linga eci cĩvi, a ka va kokela oku kupuka.+
Va tundisiwe omo liakandu avo alua,Momo ovo va ku sinĩla.
11 Pole, vosi vana va sanda eteyuilo kokuove, va ka sanjuka;+Ovo va ka kaluka lonjolela otembo yosi.
Ove o ka va teyuila,Kuenda vana va sole onduko yove, va ka sanjuka mekonda liove.
12 Momo ove A Yehova, o ka sumũlũisa vakuesunga;Ove o ka lekisa ohenda kokuavo kuenda o ka va teyuila ndociyepelo cinene.+
Atosi Pombuelo
^ Tala Elomboluilo.
^ Ale “omunu ukuakupesela osonde kuenda ukuelimbi.”
^ Ale “ocitumãlo ci kola.”
