Olosamo 50:1-23
Osamo ya Asafe.+
50 Suku yolosuku Yehova*+ o popia;Eye o kovonga ilu lieve,Tunde koku tunda kuekumbi toke koku iñila kualio.*
2 Suku o tuma ocinyi oku upisa ko Siono, olupale luna lua lipua keposo.+
3 Suku yetu o keya kuenda ka ka tẽla oku amamako oku ũha.+
Kovaso yaye kuli ondalu yi nyõla,+Kuenda ehunguhungu linene lio ñuala.+
4 Eye o kovonga ovailu kuenda ilu lieve,+Oco a sombise omanu vaye hati:+
5 “Ongoluili kokuange vana va ndi kolela,Vana va linga ocisila lame pocakati cocilumba.”+
6 Ovailu a sapula esunga liaye,Momo Suku eye Onganji.+ (Sela)
7 “Yeveleli, ene amanu vange kuenda ndi ka vangula;A Isareli, ndi ka imba uvangi woku lekisa eci cĩvi ove wa linga.+
Ame Suku, Suku yove.+
8 Si ku lungula omo liovilumba viove,Ale omo liovilumba viove vioku pia elisi vina vi kasi kovaso yange otembo yosi.+
9 Si sukila oku upa ongombe yimue vonjo yove,Ndaño ovitupi violomeme voviunda viove.+
10 Momo ovinyama viosi viovusenge via tiamẽla kokuange,+Lovinyama vi kasi kolomunda viosi.
11 Nda kũlĩha olonjila viosi vio kolomunda;+Ovinyama vialua viovusenge via tiamẽla kokuange.
12 Nda nda kaile lonjala, nda sia ku pingile okulia,Momo ilu lieve kuenda ovina viosi vi kasimo via tiamẽla kokuange.+
13 Anga hẽ ndi ka lia ositu yolongombe,Loku nyua osonde yovitupi violohombo?+
14 Eca olopandu ndocilumba cove ku Suku,+Kuenda feta olohuminyo viove ku Fũ;+
15 Mbilikiye kotembo yohali.+
Ame ha ku yovola kuenda ove o ka ndi sivaya.”+
16 Pole, Suku o ka popia kondingaĩvi hati:
“Omoko yipi o kuete oco o lombolole olonumbi viange,+Ale oku popia catiamẽla kocisila cange?+
17 Momo ove o nyãle epindiso,*Kuenda imba onyima olondaka viange.*+
18 Eci o mola ocimunu, ove o sanjuka laco,*+Kuenda ove amamako oku kuata ukamba la vakuakahokolo.
19 Ove ecelela omẽla wove oku sandeka eci cĩvi,Kuenda kelimi liove kuli elimbi.+
20 Ove o tumãla kuenda o sokola manjove;+Ove o situlula akulueya* a manjove.
21 Eci ove wa linga ovina evi, ame ndamamako oku ũha,Omo liaco, wa sima okuti ndi kala ndove.
Pole, kaliye ndi ka ku lungula,Kuenda ndi ka ku lekisa eko liove.+
22 Ene wa ivali Suku ci sokololi, mangi ohenda,+Oco si ko nyanyõli okuti lomue o ka vu yovoli.
23 Una eca olopandu ndocilumba caye o ndi sivaya,+Kuenda una amamako oku kuama onjila locimãho cimue,O ka mola epopelo li tunda ku Suku.”+
Atosi Pombuelo
^ Ale “Ukuonene, Suku, Yehova.”
^ Ale “Oku upisa kutundilo toke kutakelo.”
^ Lit., “imba olondaka viange konyima yove.”
^ Ale “onumbi.”
^ Ale pamue, “ove o likongela kokuaye.”
^ Ale “o vangula lãvi.”
