Olosamo 57:1-11
Kusongui wolonjimbi; elaka liaco “Ku ka Nyõle.” Osamo ya Daviti. Mikitama.* Ceci a tila Saulu loku iñila veleva.+
57 Ndekise ohenda, A Suku, ndekise ohenda,Momo nda sanga ociteyuilo kokuove,+Kuenda nda sanga ociteyuilo vulembo wavava ove toke eci ovitangi vi pita.+
2 Ame ndi vilikiya Suku Fũ,Ku Suku yocili una o malako ovitangi mekonda liange.
3 Eye o ka tuma ekuatiso oku upisa kilu kuenda o ka mopela.+
Eye o ka kutisa osõi una o ndi katukila. (Sela)
Suku o ka tuma ocisola caye ka ci pongoloka kuenda esunga liaye.+
4 Nda ñualiwa lolohosi;+Ndi sukila oku pekela pokati kalume va yongola oku ndi lia,Vana okuti ovayo avo olonjelia lovisongo,Haivo okuti elimi liavo osipata ya lepikiwa.+
5 A Suku, o sesamẽla oku sivayiwa kilu liovailu;Ulamba wove u kale kilu lieve liosi.+
6 Ovo va kapa onjanjo* oco va kuate olomãhi viange;+Nda kekama lohali yalua.+
Ovo va fẽla ocitunu kovaso ange,Pole, ovo muẽle va kupukilamo.+ (Sela)
7 A Suku, utima wange wa pama,+Utima wange wa pama.
Ndi ka imba kuenda ndi ka linga ovisungo.
8 Otima* wange, pasuka.
Pasuka Acikuata covisikilo ca pangiwa lovikolo; lovevo Ahalupa.
Ndi ka pasuka selo.+
9 A Yehova, ndi ka ku sivayela pokati komanu;+Ndi ka ku imbila ovisungo viesivayo* pokati kolofeka.+
10 Momo ocisola cove ka ci pongoloka ca piãla okuti, ci pitĩla toke kovailu+Kuenda ocili cove ci pitĩla toke kalende.
11 A Suku, o sesamẽla oku sivayiwa kilu liovailu;Ulamba wove u kale kilu lieve liosi.+
