Olosamo 62:1-12
Kusongui wolonjimbi; elaka liaco Yedutunu.* Osamo ya Daviti.
62 Ndi talamẽla ku Suku lepandi.
Epopelo liange li tunda kokuaye.+
2 Pole, eye handa yange, epopelo liange kuenda ocitililo cange ca koka;*+Ame lalimue eteke ndi ka sengiwa calua.+
3 Toke otembo yipi vu ka katukila omunu umue locimãho coku u ponda?+
Vosi yene vu koka ohele yalua ndocimano cimue ca yenduka, ocimano cewe ci laika oku kupuka.*
4 Momo ovo va livangula pokati oco vo kupule komangu yaye ya velapo;*Ovo va sanjukila oku kemba.
Lomẽla wavo va sumũlũisa, pole, vokati kavo va siñala.+ (Sela)
5 Ndi talamẽla ku Suku lepandi.+
Momo elavoko liange li tunda kokuaye.+
6 Pole, eye handa yange, epopelo liange kuenda ocitililo cange ca koka;Ame lalimue eteke ndi ka sengiwa.+
7 Ku Suku ku kasi epopelo liange lulamba wange.
Suku eye handa yange ya pama haeye ocitililo cange.+
8 Ene amanu, koleli kokuaye otembo yosi.
Situluili ovisimĩlo viene viosi kokuaye.+
Suku eye ocitililo cetu.+ (Sela)
9 Omãla vomanu va kasi ndefuimo liaño,Omãla vomanu ocitililo cesanda.+
Oku va kapa kumosi kombalãsa, va lela vali okuti efuimo liaño lia velapo.+
10 Ko ka koleli koku pundaAle oku kuatela elavoko liesanda koku nyana.
Nda ovipako viene via livokiya, ko ka tiamisili utima wene kokuavio.+
11 Suku wa sapuila Daviti olonjanja vivali hati:
Ongusu ya tiamẽla ku Suku.+
12 A Yehova, ocisola ka ci pongoloka ca tiamẽlavo kokuove,+Momo ove o feta omunu lomunu ndomo ci likuata lovilinga viaye.+
Atosi Pombuelo
^ Tala Elomboluilo.
^ Ale “ociteyuilo ca lepa.”
^ Ale pamue, “Vosi yene ndu okuti, eye wa kala ocimano cimue ca yenduka, ocimano cewe ci laika oku kupuka.”
^ Ale “ekemãlo liaye.”
