Olosamo 80:1-19
Kusongui wolonjimbi; elaka liaco “Olonelẽho.” Onjivaluko. Osamo ya Asafe.+
80 Ungombo wa Isareli, yevelela,Ove o kasi oku songuila Yosefe ndocunda.+
Ove wa tumãla kocalo kilu* lia va keruvi,+Ocinyi cove ci tue.*
2 Kovaso a Efarimi la Benjamini kuenda a Manase,Pasula unene wove;+Enju kuenda tu popele.+
3 A Suku, tu tumbulule;+Ocipala cove ci ninile kokuetu oco tu popeliwe.+
4 A Yehova Suku ukualohoka, toke otembo yipi o taima lonyeño* eci omanu vove va likutilila kokuove?+
5 Ove o va tekula lombolo yasuẽlẽla,Kuenda o va kokela oku nyua asuẽlẽla alua.
6 Ava va lisungue letu, va liyaka pokati oco va tu yule;Ovanyãli vetu vamamako oku tu yola epembe ndomo va yongola.+
7 A Suku ukualohoka, tu tumbulule;Ocipala cove ci ninile kokuetu oco tu popeliwe.+
8 Ove wa lingisa uyuva+ umue oku tunda Kegito.
Ove wa tundisa olofeka kuenje wa tuikamo uyuva waco.+
9 Ove wa u yelisila ocitumãlo cimue,Kuenda owo wa tunda olombombo kuenje wa yukisa ofeka.+
10 Olomunda via sitikiwa lulembo walio,Kuenda oviti viosedru via Suku via sitikiwa lovianja vialio.
11 Ovianja vialio via pitĩla toke kokalunga,Kuenda ovisiakata vialio toke Kolui.*+
12 Momo lie wa teyela ovimbaka viovawe viocumbo cayuva,+Okuti vosi vana va pita va yunga epako liaco?+
13 Olonguluve viovusenge vi u kundula,Kuenje ovinyama viovusenge vi litekula lawo.+
14 A Suku ukualohoka, linga ohenda tiuka.
Oku upisa kilu, vanja posi kuenda tala eci ci kasi oku pita!
Tata uyuva owu,+
15 Ocisiakata cina eka liove liondio lia tuika,+Kuenda vanja komõla una* ove wo lipamisila.+
16 Uti wuyuva wa yokiwa londalu,+ wa timbuiwa.
Voku lemẽla kuove* ovo va nyõleha.
17 Eka liove li kuatise omunu o kasi kondio yove,Omõla omunu una ove wo lipamisila.+
18 Kuenje etu ka tu ka ku yanduluka.
Lava ovimuenyo vietu oco tu vilikiye onduko yove.
19 A Yehova Suku ukualohoka, tu tumbulule;Ocipala cove ci ninile kokuetu oco tu popeliwe.+
Atosi Pombuelo
^ Ale pamue, “pokati.”
^ Ale “Situlula oku nina kuove.”
^ Lit., “oku tuima owisi.”
^ Okuti, o Ferati.
^ Ale “ocanja cina.”
^ Lit., “oku lemẽla kuocipala cove.”
