Olosamo 84:1-12
Kusongui wolonjimbi; catiamẽla ko Gitite.* Osamo yomãla va Kora.+
84 Ndi sole calua otavernakulu yove yinene,+A Yehova ukualohoka!
2 Utima wange wosi u livela,Ocili, ame nda hongua longeva,Yovitali via Yehova.+
Utima wange longusu yange vi kalukila lonjolela ku Suku yomuenyo.
3 Ndaño muẽle onjila yi sangamo onjoKuenda omapia yi sangamo ocanju,Muna oyo yi tatela omãla vayeOcipepi lutala wove unene, A Yehova ukualohoka,Soma yange kuenda Suku yange!
4 Va sumũlũha vana va kasi vonjo yove!+
Ovo vamamako oku ku sivaya.+ (Sela)
5 Va sumũlũha omanu va sanga ongusu yavo kokuove,+Haivo ovitima viavo vi kasi vatapalo.
6 Eci ovo va pita Vocimbota co Amoreira,*Ovo va ci pongolola ocitumãlo colono;Kuenda ombela yatete yi ci walisa* lasumũlũho.
7 Ovo va ka enda, pole, ongusu yavo ka yi ka pua;+Omunu lomunu pokati kavo, o molẽha kovaso a Suku ko Siono.
8 A Yehova Suku ukualohoka, yevelela ohutililo yange;Yevelela, A Suku ya Yakoba. (Sela)
9 Tala, aciyepelo cetu+ kuenda a Suku yetu,*Vanja kocipala combuavekua yove.+
10 Momo eteke limosi povitali viove lia velapo, ohulukãi koloneke kocitumãlo cikuavo ci sule!+
Nda nõlapo oku talama puvelo wonjo ya Suku yangeOkuti oku kala volombalaka violondingaĩvi hacoko.
11 Momo Yehova Suku, eye ekumbi+ haeye ociyepelo;+Eye o lekisa ohenda kuenda ulamba.
Yehova ka ka likala lacimue ciwa,Ku vana va endela vesunga.+
12 A Yehova ukualohoka,Wa sumũlũha omunu o kolela kokuove.+
Atosi Pombuelo
^ Tala Elomboluilo.
^ Ale pamue “Kuenda ulongisi o li sikĩlĩla.”
^ Ale “ocimbota coviti vio amoreira.”
^ Ale pamue, “Vanja kociyepelo cetu, A Suku.”
