Olosamo 88:1-18
Ocisungo. Osamo yomãla va Kora.+ Kusongui wolonjimbi; elaka liaco Mahalati,* oco yimbiwe loku soveka. Masikili* ya Hemani+ u Seraye.
88 A Yehova Suku yepopelo liange,+Lutanya mbilikiya lolukandi,Kuenje kuteke njiya kovaso ove.+
2 Ohutililo yange yi pitĩle kokuove,+Vonguila etũi liove* koku liyula kuange kuekuatiso.+
3 Momo ndeyuka lohali,+Kuenda omuenyo wange u panda Konjembo.*+
4 Nda tendiwa ale pokati ka vana va kasi oku lokila vocitunu;*+Nda linga omunu umue ka kuete ongusu,+
5 Wa siwa pokati kovivimbiNdava va pondiwa va pekela veyambo,Vana ove ku ivaluka valiHaivo vopiwa peka liove.
6 Ove wa ñapa vocitunu ca longa,Povitumãlo via tekãva, vekungu linene.
7 Onyeño yove ya ndi lema calua,+Kuenda ove o ndi talisa ohali lakimba ove anene. (Sela)
8 Akamba vange ove wa vamisa kupãla lame;+Wa ndi lingisa ocina cimue ca vĩha kokuavo.
Ñasi vokayike kuenda si tẽla oku puluka.
9 Ovaso ange, a vuvala omo liohali yange.+
A Yehova, mbilikiya kokuove eteke liosi;+Ndi olũila ovaka ange kokuove.
10 Anga hẽ o ka lingila ovikomo ava va fa?
Vana va fa, va tẽla hẽ oku katuka oco va ku sivaye?+ (Sela)
11 Anga hẽ ocisola cove ka ci pongoloka ci ka lomboluiwa veyambo,Esunga liove vocitumãlo cenyõleho?*
12 Anga hẽ ovikomo viove vi ka kũlĩhĩwa vowelemaAle esunga liove vofeka yunjiva?+
13 Pole, handi ndi kalukila kokuove oku pinga ekuatiso A Yehova,+Omẽle lomẽle, ohutililo yange yi pitĩla kovaso yove.+
14 A Yehova, momo lie o ndi likalela?+
Momo lie o salamisila ocipala cove kokuange?+
15 Tunde vutila wange,Ame ndi talisiwa ohali kuenda ndi panda kenyõleho;+Nda sumua omo liovina vĩvi ove ecelela okuti, ndi liyaka lavio.
16 Onyeño yove yalua, yi ndi valula;+Asaluiso ove a ndi kundula.
17 O-o a ndi ñuala ndovava eteke liosi;A ndi katukila kolonele viosi.*
18 Akamba vange ove wa vamisa kupãla lame;+Owelema wa linga ekamba liange.
Atosi Pombuelo
^ Tala Elomboluilo.
^ Tala Elomboluilo.
^ Ale “Petama kuenda yevelela.”
^ Okuti, ocitumãlo mu kendiwa omanu va fa.
^ Ale “veyambo.”
^ Ale “vo Abadone.”
^ Ale pamue, “vonjanja yimuamue.”
