Olosapo 18:1-24
18 U o liamũha o sanda olonjongole viaye muẽle;Eye o likala* olondunge viosi.
2 Omunu eveke ka sanjukila elomboloko;Eye o nõlapo oku situlula eci ci kasi vutima waye.+
3 Eci ondingaĩvi iya, ema liyavo,Apa pali omunu o linga ovina vi kutisa osõi, pali esepu.+
4 Olondaka viomẽla womunu vi kasi ndovava a longa.+
Ono yolondunge yi kasi ndolui lu tumõha.
5 Ka ciwako oku lekisa ocame kondingaĩvi,+Ale oku pisa ukuesunga kekanga.+
6 Ombangulo yeveke yi koka oku lihoya,+Kuenda omẽla waye u lingisa okuti vakuavo vo tipula.+
7 Omẽla weveke owo enyõleho liaye,+Kuenda olondaka viaye onjanjo komuenyo waye.
8 Olondaka viukualundi vi kasi ndovilia vi pepa;*+Ovio vi iniwa lulelu kuenda vi enda toke vimo.+
9 Omunu wosi okuti ocisiãi kupange wayeEye manji ya una o koka enyõleho.+
10 Onduko ya Yehova ocikolo* ca pama.+
Ukuesunga o tililamo kuenje o tambula eteyuilo.*+
11 Ovipako viomunu ohuasi, ovio olupale luaye lu kuete oviteyuilo;Vocisimĩlo caye ovio vi kasi ndocimbaka ceteyuilo.+
12 Osimbu oku kupuka ka kueyile, utima womunu u kuata epela,+Kuenda kovaso yumbombe ku iya ulamba.+
13 Nda omunu umue o tambulula lonjanga osimbu ka yevelile,Eci uveke kuenda ekutisasõi kokuaye muẽle.+
14 Omunu una wa pama vutima, o ka tẽla oku pandikisa kuvei,+Pole, helie o tẽla oku pandikisa kesumuo?*+
15 Utima womunu ukuelomboloko u kuata ukũlĩhĩso,+Kuenda etũi liukualondunge li sanda oku kuata ukũlĩhĩso.
16 Ombanjaile yomunu yu yikuila onjila;+Oyo yu wecelela oku pitĩla komanu va velapo.
17 Omunu watete una o lombolola ocitangi caye ci sukila oku tetuluiwa, o sima okuti o kuete esunga,+Toke eci ku iya omunu ukuavo oco o konomuise.*+
18 Oku imba ocela ku imũla ema+Kuenda ku tetulula ovitangi* eci omanu vavali va pama va li tatamisa.
19 Oku tulumũla manji umue wa tema ca tĩla vali okuti, oku tambula olupale lu kuete oviteyuilo ci sule,+Kuenda kuli ovama a kasi ndovikundiko viombonge yimue.+
20 Ovina omunu a popia lomẽla waye vi kasi ndokulia ku yukisa imo liaye;+Eye o ka limbuka eci ci yilila kovina a popia.
21 Olofa lomuenyo vi kasi kunene welimi;+Vana va sole oku vangula, va ka lia kepako lialio.+
22 Una o sanga ukãi umue uwa, wa sanga ocina cimue ciwa,+Kuenje o tambula ohenda* ya Yehova.+
23 Ohukũi yi lipilikila omunu ohuasi oco yu kuatise,Pole, ohuasi yu tambulula lukãlu.
24 Kuli akamba va li linga cĩvi omunu lukuavo,+Pole, kuli ekamba limue li kakatela okuti, manjove ketimba ci sule.+
Atosi Pombuelo
^ Ale “o sepula.”
^ Ale “ndovina vi iniwa lonjongole yalua.”
^ Ale “ocimbaka.”
^ Lit., “o kapiwa pocitumãlo ca lepa” okuti, ka sangiwa, o koka.
^ Ale “koku pua elavoko?”
^ Ale “oku u kũlĩhĩsa ciwa.”
^ Lit., “ci tepisa.”
^ Ale “ocali.”
