1 Timo‘tiyga 2:1-15
2 Avvalambor, men hammani turli insonlar uchun iltijolar, ibodatlar, o‘tinchlar va shukronalar aytishga undayman.
2 Ha, bundan buyon ham har sohada xudojo‘ylik va jiddiylik bilan sokin hayot kechirishimiz uchun+ podshohlar va yuqori mavqega ega kishilar uchun ibodat qilinglar+.
3 Bunday yo‘l tutish Qutqaruvchimiz Allohning+ nazarida yaxshi va yoqimlidir.
4 Chunki U har turli odamlar haqiqat to‘g‘risida aniq bilimga ega bo‘lib, najot topishlarini istaydi+.
5 Xudo yagona+ va Xudo bilan insonlar orasidagi+ vositachi ham yagonadir+. Bu odam Iso Masihdir+.
6 U o‘zini hamma insonlar uchun munosib to‘lov sifatida berdi+. Vaqti kelganda bu haqda shohidlik berilishi lozim.
7 Aynan shu shohidlik uchun+, men boshqa xalqlarga+ imon hamda haqiqatni o‘rgatish maqsadida voiz va havoriy etib tayinlanganman+. Men rostini aytyapman, aldayotganim yo‘q.
8 Shu sababli, sizlar birgalikda yig‘iladigan joylarda Xudoga sadoqatli erkaklar qo‘llarini ko‘tarib+, g‘azab+ va bahslarsiz+ ibodat qilishlarini xohlayman.
9 Xuddi shunday, ayollar ham o‘zlarini turli xil o‘rilgan sochlar, oltin, marvaridlar va qimmatbaho liboslar bilan emas, balki munosib kiyim, or-nomus va fahm-farosat bilan+,
10 xudotars ayollarga munosib ravishda+, xayrli ishlari bilan bezashlarini istayman.
11 Ayol to‘la itoatkorlik bilan+ sukut saqlashni o‘rgansin.
12 Ayollarga ta’lim berishga ham, erkaklar ustidan hukmronlik qilishga ham ruxsat etmayman, aksincha, ular sukutda bo‘lsinlar+.
13 Chunki avval Odamato, keyin Momohavo yaratilgan+.
14 Bundan tashqari Odamato emas, balki xotin aldangan+. U tamomila yolg‘onga berilib, gunohga qo‘l urgan.
15 Biroq xotinlar fahm-farosat bilan+ imonini, sevgisini va muqaddasligini saqlashsagina, ona bo‘lish ularni himoyalaydi+.
