Ayub 35:1-16
35 Elixu so‘zlarini quyidagicha davom ettirdi:
2 «Haq ekaningizda shunchalik aminmisizki,Siz go‘yo: “Men Xudodan ko‘ra odilroqman”,— deb aytyapsiz?+
3 Chunki siz: “Odil bo‘lishimdan senga* nima foyda?
Undan ko‘ra gunoh qilganim yaxshi emasmi?”+ — deyapsiz.
4 Sizga ham, do‘stlaringizga+ ham,Aytadigan gapim bor.
5 Boshingizni ko‘tarib, osmonga nazar soling.Bulutlarga qarang+, ular sizdan qanchalik yuqorida.
6 Bordi-yu, gunoh qilsangiz, Xudoga zarar keltira olarmidingiz?+
Xatolaringizni ko‘paytirsangiz, Unga ta’sir qila olarmidingiz?+
7 Agar odil bo‘lsangiz, Unga biror narsa bera olasizmi?U sizning qo‘lingizdan biror narsa oladimi?+
8 Yovuzligingiz siz kabi insongagina ta’sir qiladi,Odilligingizdan faqat odamlar foyda ko‘radi.
9 Qattiq zulm ostida xalq nola qilib,Kuchlilarning qo‘lidan xalos etilishni yolvorib so‘raydi+.
10 Ammo hech kim: “Kechalari qo‘shiq kuylashga+ ilhomlantirgan Tangrim,Buyuk Yaratuvchim+ qayerda?” — deb so‘ramaydi.
11 U bizga yerdagi hayvonlarga qaraganda ko‘proq+ ta’lim beradi+,Samodagi qushlardan ko‘ra donoroq qiladi.
12 Yovuzlarning mag‘rurligi dastidan+,Xalq yolvorsa ham, U javob qaytarmaydi+.
13 Shubhasizki, Alloh behuda faryodlarni* eshitmaydi+,Qodir Tangri bunday faryodlarga e’tibor qaratmaydi.
14 Ayniqsa Uni ko‘rmadim deb da’vo qilsangiz+, U tinglamaydi.
Masalangizni U ko‘rib chiqar ekan, Uni sabrsizlik bilan kuting+.
15 Chunki U jahl ustida sizni javobgarlikka tortmadi.Haddan ortiq bemulohazalik qilganingizga e’tibor bermadi+.
16 Ayub esa bekorga og‘zini katta ochdi,Bilimga ega bo‘lmay turib, gapni ko‘paytirdi»+.
