Ibtido 5:1-32
5 Odamning tarixi haqidagi bayonot quyidagicha: Tangri Odamni yaratgan kuni, uni O‘ziga monand qilib vujudga keltirdi+.
2 Ularni erkak va ayol qilib yaratdi+. Ular yaratilgan kuni+, Alloh ularni qutlab, ularni «inson»*, deya atadi.
3 Odam 130 yoshga kirganida, o‘ziga o‘xshash bo‘lgan, o‘ziga monand bir o‘g‘il ko‘rdi va ismini Shis+ qo‘ydi.
4 Shis tug‘ilgandan keyin, Odam yana 800 yil yashadi. Bu orada u ko‘pgina o‘g‘il-qizlarning otasi bo‘ldi.
5 Odam hammasi bo‘lib 930 yil umr ko‘rdi va hayotdan ko‘z yumdi+.
6 Shis 105 yoshga kirganida, o‘g‘li Eno‘sh+ dunyoga keldi.
7 Eno‘sh tug‘ilganidan so‘ng Shis yana 807 yil yashadi. Bu vaqt davomida u ko‘pgina o‘g‘il-qizlarning otasi bo‘ldi.
8 Shis jami 912 yil umr ko‘rib, vafot etdi.
9 Eno‘sh 90 yoshga to‘lganida o‘g‘li Xenan tug‘ildi.
10 Xenan dunyoga kelganidan keyin, Eno‘sh yana 815 yil umr ko‘rdi. Bu vaqt mobaynida u ko‘pgina o‘g‘il-qizlarning otasi bo‘ldi.
11 Eno‘sh hammasi bo‘lib 905 yil yashab, hayotdan ko‘z yumdi.
12 Xenan 70 yoshda bo‘lganida o‘g‘li Maxaliyol+ dunyoga keldi.
13 Maxaliyol tug‘ilganidan so‘ng, Xenan yana 840 yil yashadi. Bu orada u ko‘pgina o‘g‘il-qizlarning otasi bo‘ldi.
14 Xenan jami 910 yil umr kechirib, vafot etdi.
15 Maxaliyol 65 yoshga kirganida, o‘g‘li Yored+ tug‘ildi.
16 Yored dunyoga kelganidan keyin, Maxaliyol yana 830 yil umr ko‘rdi. Bu vaqt davomida u ko‘pgina o‘g‘il-qizlarning otasi bo‘ldi.
17 Maxaliyol hammasi bo‘lib 895 yil yashab, hayotdan ko‘z yumdi.
18 Yored 162 yoshda bo‘lganida, o‘g‘li Xano‘x+ dunyoga keldi.
19 Xano‘x tug‘ilganidan so‘ng, Yored yana 800 yil yashadi. Bu vaqt mobaynida u ko‘pgina o‘g‘il-qizlarning otasi bo‘ldi.
20 Yored jami 962 yil umr ko‘rib, vafot etdi.
21 Xano‘x 65 yil yashagach, o‘g‘li Matushaloh+ tug‘ildi.
22 Matushaloh dunyoga kelganidan keyin, Xano‘x 300 yil haq Xudoga* hamroh bo‘lib yashadi. Bu orada, u ko‘pgina o‘g‘il-qizlarning otasi bo‘ldi.
23 Xano‘x hammasi bo‘lib 365 yil umr ko‘rdi.
24 Xano‘x haq Xudoga hamroh bo‘lib yashashni kanda qilmadi+. Keyin Alloh uni olib ketgani bois, uni hech kim ko‘rmadi+.
25 Matushaloh 187 yil umr ko‘rgach, o‘g‘li Lamex+ dunyoga keldi.
26 Lamex tug‘ilgandan so‘ng, Matushaloh yana 782 yil yashadi va ko‘pgina o‘g‘il-qizlarning otasi bo‘ldi.
27 Matushaloh jami 969 yil yashab, hayotdan ko‘z yumdi.
28 Lamex 182 yil yashagandan keyin, o‘g‘illi bo‘ldi.
29 U: «Yahova la’natlagan yerga ishlov berganimizda, mehnatimizga va zahmat chekkan bizlarga u yengillik* beradi»+,— deya, o‘g‘lining ismini Nuh*+ qo‘ydi.
30 Nuh dunyoga kelgandan so‘ng, Lamex yana 595 yil umr ko‘rdi. Bu vaqt davomida u ko‘pgina o‘g‘il-qizlarning otasi bo‘ldi.
31 Lamex hammasi bo‘lib 777 yil yashagach, vafot etdi.
32 Nuh 500 yoshga kirgandan keyin, Som+, Xom+ va Yofas+ ismli uch nafar o‘g‘il ko‘rdi.
