Ishayo 45:1-25
45 Yahova O‘zining moylangani Kirga+,Uning oldida xalqlarni bo‘ysundirib+,Shohlarni qurolsizlantirish uchun,Shahar darvozalari yopilmay,Oldida qo‘sh tabaqali darvozalar ochilishi uchun,O‘zi uning o‘ng qo‘lidan ushlab+ bunday deydi:
2 «Men sening oldingda boraman+,Tepaliklarni tekislikka aylantiraman,
Mis eshiklarni parchalab tashlayman,Temirli surma zulfinlarni sindiraman+.
3 Senga qorong‘i yerlardagi xazinalarni,Yashirin joylardagi boyliklarni beraman+.Shunda Men Yahova ekanimni,Seni isming bilan chaqiradigan Isroilning Xudosi ekanimni bilib olasan+.
4 Xizmatkorim Yoqub va tanlaganim Isroil haqqi,Seni isming bilan atayman,
Garchi Meni bilmasang-da, senga sharafli ism beraman.
5 Men Yahovaman, Mendan boshqasi yo‘q.
Mendan boshqa Xudo yo‘q+.
Garchi Meni bilmasang-da, kuch-qudratingni oshiraman.
6 Sharqdan g‘arbgacha bo‘lgan odamlarShuni bilib qo‘ysinki,Mendan boshqasi yo‘q+.
Men Yahovaman, Mendan o‘zgasi yo‘q+.
7 Yorug‘ligu+ qorong‘ilikni+ Men yarataman,Tinchligu+ falokatni+ Men keltiraman.Men, Yahova, bularning barini amalga oshiraman.
8 Ey osmon, yerga yomg‘ir yog‘dir+.Bulutlardan odillik yog‘ilsin.
Yer ochilib, najot mevasini bersin,Shu bilan bir vaqtda adolat unib chiqsin+.
Buni yaratgan Men, Yahovaman».
9 O‘z Yaratuvchisi bilan bahslashadiganning holiga voy!Zero, u boshqa sopol parchalari bilan yerda sochilib yotganShunchaki sopol parchasidir.
Gil Kulolga: «Nima yasayapsan?»+ — deb aytadimi?
Yoki o‘zing yasagan buyum: «Uning qo‘llari yo‘q»*,— deydimi?
10 Otasiga: «Nega meni dunyoga keltirdingiz?» — deganning,
Onasiga: «Meni nega tug‘dingiz?» — deb aytganning holiga voy!
11 Isroilning Muqaddas Xudosi+, unga shakl bergan Yahova shunday demoqda:
«Bo‘lajak narsalar haqida Meni so‘roqga tutmoqchimisiz?O‘g‘illarim+ va qo‘llarim mahsuli haqida buyruq bermoqchimisiz?
12 Yerga shakl bergan+ ham, insonni yaratgan+ ham Menman.
O‘z qo‘llarim bilan samoni yoyib yuborganman+,Samoviy jismlarga ham amr beradigan Menman»+.
13 «Odillik haqqi bir insonni qo‘zg‘ataman+,Uning barcha yo‘llarini ravon qilaman.
Mening shahrimni u quradi+.Asirlikdagi xalqimni haq va pora olmay+ ozod etadi»+,— demoqda Qo‘shinlar Sarvari Yahova.
14 Yahova bunday deb aytmoqda:
«Misrning daromadi*, Habashistonning mollari* va baland bo‘yli savoliklarOldingga kelib, seniki bo‘ladi.
Kishanlangan holda ortingdan yuradi.
Kelib senga sajda qiladi+.
Ular senga ehtirom ko‘rsatib: “Chindan ham Xudo siz bilan ekan+,Undan boshqasi yo‘q, Undan o‘zga Tangri yo‘q”,— deydi».
15 Ey, Isroilning Xudosi, ey Najotkor+.Ha, Sen doim ham O‘z niyatingni oshkor etmaysan.
16 Ularning bari sharmanda bo‘lib kamsitiladi.But yasovchilarning hammasi isnodga qoladi+.
17 Ammo seni, ey Isroil, Yahova abadiy najotga erishtiradi+.
Sen abadulabad uyatga qolmaysan, aslo sharmanda bo‘lmaysan+.
18 Chunki samolarning Yaratuvchisi+,Yerga shakl berib, uni mustahkam o‘rnatgan haq Tangri+Yerni bekorga emas*, insonlar yashashi uchun barpo etgan+Yahova shunday demoqda:
«Men Yahovaman, Mendan boshqasi yo‘q.
19 Men yashirin joyda+, zulmat diyorida gapirmadim,Men Yoqubning zurriyotiga*:“Meni izlang, ammo urinishlaringiz zoye ketadi”,— demadim.
Men Yahovaman, Men adolatni so‘zlayman, to‘g‘rilikni e’lon etaman+.
20 Ey, xalqlar qo‘lidan omon qolganlar, yig‘ilishib kelinglar+.
Bu yerga yaqinlashinglar.
O‘yma butlarni ko‘tarib yuruvchilar-uNajot bera olmaydigan xudoga sig‘inuvchilar hech nimani bilmaydi+.
21 Qani aytinglar, masalangizni o‘rtaga qo‘yinglar.
Ular birgalikda maslahatlashsin.
Kim buni azaldan aytgan?Kim buni qadimdan e’lon etgan?
Axir Men, Yahova emasmi?!
Mendan boshqa Xudo yo‘q+.Mendan bo‘lak adolatli Tangri, Najotkor+ yo‘q.
22 Ey, yerning chekkalari, Menga qaytib omon qolinglar+.Chunki Men Xudoman, Mendan boshqasi yo‘q+.
23 O‘z ismim haqqi qasam ichdim.Og‘zimdan chiqgan so‘z adolatlidir,U bajarilmay qolmaydi+.
Har bir kishi oldimda tiz cho‘kadi.Barcha tillar sadoqat ila ont ichib+,
24 Shunday deydi: “Cheksiz adolat va kuch-qudrat tanho Yahovaga tegishli.
Unga qarshi g‘azablanganlarning bari uyatga qolib, huzuriga keladi.
25 Isroilning butun zurriyoti Yahovaga xizmat qilish to‘g‘ri ekaniga amin bo‘ladi+,U bilan maqtanadi”».
Izohlar
^ Boshqa variant «Yoki gil: “Yasagan buyumingning dastasi yo‘q”»
^ Boshqa variant «ishchilari».
^ Boshqa variant «savdogarlari».
^ Boshqa variant «bo‘m-bo‘sh turishi uchun emas».
^ So‘zma-so‘z «urug‘iga».
