Ishayo 60:1-22
60 «Ey, ayol o‘rningdan tur+, nuringni soch!
Yahovaning ulug‘vorligi ustingga yog‘iladi+.
2 Mana, yerni zulmat,Xalqlarni qora bulut qoplaydi.Biroq Yahova senga nurini sochadi,Uning ulug‘vorligi senga ko‘rinadi.
3 Xalqlar yorug‘liging+,Shohlar+ porloq hashamating tomon keladi+.
4 Boshingni ko‘tarib, atrofingga qara!
Ularning bari to‘planib, oldingga yaqinlashmoqda.
O‘g‘illaring olisdan kelmoqda+,Qizlaringni qo‘llarida ko‘tarib kelishmoqda+.
5 Buni ko‘rib, yuzingdan nur taraladi+,Yuraging dukillab, quvonchga to‘ladi.Zero, dengiz boyliklari sen tomon yog‘iladi,Xalqlar xazinalari seniki bo‘ladi+.
6 Yurtingni tuyalar to‘dalari,Midiyon-u Efaxning+ yosh tuyalari to‘ldiradi.
Shavaning barcha odamlari keladi,Ular senga oltin, xushbo‘y smola olib keladi.
Ular Yahovani madh etadi+.
7 Kedarning+ hamma podalari yoningga to‘planadi.
Navayot+ qo‘chqorlari xizmatingda bo‘ladi.
Ular qurbongohimga ko‘tariladi+,Men ularni qabul qilaman, ulug‘vor uyimni bezayman+.
8 Kimlar xuddi bulutday,Iniga uchayotgan kaptarday uchib kelmoqda?
9 Orollar Menga umid bog‘laydi+,Tarshish kemalari oldinda keladi,O‘g‘illaringni yiroqdan+Kumush-u oltinlari bilan birga olib keladi.Buni Allohing Yahova — Isroilning Muqaddas Xudosi ismini ulug‘lash uchun qiladi.Zero, U seni shon-sharafga burkaydi+.
10 Musofirlar devorlaringni quradi,Shohlari xizmatingda bo‘ladi+.G‘azabim ila seni jazoladim,Ammo iltifotimni ko‘rsatib, rahm-shafqat qilaman+.
11 Darvozalaring doim ochiq bo‘ladi+.Ular kecha-yu kunduz yopilmaydi.Xalqlarning boyliklari senga olib kelinadi,Shohlari bu ishda boshchilik qiladi+.
12 Senga xizmat qilmaydigan har qanday xalqni, shohlikni yo‘q qilasan.Bunday xalqlar batamom qirilib ketadi+.
13 Livanning ulug‘vorligi senga keladi+,Muqaddas maskanimni bezash uchunQora archa, shumtol va sarv daraxtlari olib kelinadi+.Men oyog‘im turgan joyni sharaflayman+.
14 Senga zulm o‘tkazganlarning o‘g‘illari oldingga kelib, ta’zim qiladi.Seni pisand qilmaganlarning bari oyog‘ingga bosh egadi.Ular seni Yahovaning shahri,Isroilning Muqaddas Xudosining Sioni deb ataydi+.
15 Seni tark etib, sendan nafratlanishdi, seni chetlab o‘tishdi+.Endi, seni abadiy faxr,Avlodlar osha quvonch manbaiga aylantiraman+.
16 Sen xalqlar sutidan ichasan+,Shohlar ko‘kragini emasan+.Shunda Men, Yahova, Najotkoring ekanimni,Yoqubning Qodir Tangrisi, Xaloskoring ekanimni bilib olasan+.
17 Mis o‘rniga oltin,Temir o‘rniga kumush,Yog‘och o‘rniga mis,Toshlar o‘rniga temir keltiraman.Tinchlikni nazoratching,
Odillikni ish taqsimlovching etib tayinlayman+.
18 Bundan buyon yurtingda zo‘ravonlik haqida,Chegaralaring ichida bosqinchilig-u halokat to‘g‘risida eshitilmaydi+.
Devorlaringni Najot+, darvozalaringni Sharaf deb ataysan.
19 Kunduzi quyosh o‘z nurini senga sochmaydi,Oy o‘z shu’lasini tushirmaydi.Zero, Yahovaning O‘zi abadiy nuring+,Tangring sening chiroying bo‘ladi+.
20 Quyoshing hech qachon botmaydi,Oying boshqa yashirinmaydi.Chunki Yahovaning O‘zi abadiy nuring bo‘ladi+,Qayg‘uli kunlaring barham topadi+.
21 Butun xalqing odil bo‘ladi,Bu yurtga mangu egalik qiladi.
Ular — Men o‘tqazgan nihol,Ko‘rkim+ bo‘ladigan O‘z qo‘llarim ijodidir+.
22 Ozgina odamdan mingta odam,Kichik xalqdan qudratli xalq paydo bo‘ladi.
Men, Yahova, buni o‘z vaqtida tezlashtiraman».
