Evangeli Ya Marko 16:1-8
-
Yesu o vuswa (1-8)
16 Nga murahu ha Savhatha,+ Maria Magdalena, Maria+ mme a Yakobo na Salome vha renga mishonga ya u ḓodza tshitumbu tsha Yesu.+
2 Nga matsheloni-tsheloni nga ḓuvha ḽa u thoma ḽa vhege, vha ya vhiḓani vha swika ḓuvha ḽi tshi vho ṱavha.+
3 Vho vha vha tshi khou vhudzisana, vha tshi ri: “Ndi nnyi ane a ḓo ri bvisela tombo muṋangoni wa vhiḓa?”
4 Musi vha tshi lavhelesa vha vhona uri tombo ḽo bviswa, naho ḽo vha ḽi ḽihulu vhukuma.+
5 Vha tshi dzhena vhiḓani, vha vhona muṱhannga o dzula thungo ya tshanḓa tsha u ḽa, o ambara zwiambaro zwitshena, vha mangala.
6 A amba navho a ri: “Ni songo mangala.+ Ndi a zwi ḓivha uri ni khou ṱoḓa Yesu wa Nazaretha we a vha o ombelwa kha danda. O vuswa;+ haho fhano. Vhonani fhethu he a vha o vhewa hone.+
7 Fhedzi tshimbilani; ni vhudze vhafunziwa vhawe na Petro uri, ‘U khou ya Galilea.+ Ni ḓo mu vhona henengei, samusi o ni vhudza.’”+
8 Vha bva vhiḓani nga u gidima, vha tshi khou tetemela, vho mangala. Vha si vhudze muthu, ngauri vho vha vha tshi khou ofha.*+
