Mirero 22:1-29
22 Dzina ḽavhuḓi* ḽi a nangiwa nṱhani ha lupfumo luhulu;+U ṱhonifhiwa* zwi khwine u fhira siḽiva na musuku.
2 Mupfumi na mushai vha a fana:
Vhoṱhe vho sikwa nga Yehova.+
3 O ṱalifhaho u vhona khombo a khuda,Fhedzi a si na tshenzhelo u fhirela phanḓa a wela khomboni.
4 Malamba a u ḓiṱukufhadza na u ofha YehovaNdi lupfumo na vhugala na vhutshilo.+
5 Mipfa na zwikwekwe zwi nḓilani ya a sa fhulufhedzei,Fhedzi ane a dzhiela nṱha vhutshilo hawe u ṱutshela kule nazwo.+
6 Gudisa mutukana* nḓila ine a fanela u fara yone;+Na musi o no aluwa ha nga ḓo i laṱa.+
7 Mupfumi u vhusa mushai,Muhadzimi ndi phuli ya muhadzimisi.+
8 Ane a zwala zwi songo lugaho u ḓo kaṋa khombo,+Thonga ya mbiti dzawe i ḓo vunḓea.+
9 Ane a vha na mafunda u ḓo fhaṱutshedzwa,Ngauri u kovhekana zwiḽiwa zwawe na mushai.+
10 Pandela ane a goḓa,Ndi hone khani i tshi ḓo fhela;Dziphambano na lunyadzo zwi ḓo fhela.
11 Ane a funa mbilu yo kunaho na ane a amba nga vhuthuU ḓo vha khonani ya khosi.+
12 Maṱo a Yehova a tsireledza nḓivho,Fhedzi U piringanya maipfi a vhane vha vha na tshimbevha.+
13 Mubva u ri: “Nnḓa hu na ndau!
Ndi ḓo vhulawa khoroni!”+
14 Mulomo wa mufumakadzi a sa ḓivhalei ndi dindi ḽo tsaho.+
Ane a kaidzwa nga Yehova u ḓo wela khaḽo.
15 Mbilu ya mutukana* yo ḓala vhutsilu,+Fhedzi ṱhamu ya ndayo i ḓo vhu bvisa khae.+
16 Ane a engedza lupfumo lwawe nga u fhura mushai+Na ane a ṋea mupfumi zwifhiwaU ḓo vha mushai.
17 Sendedza nḓevhe yau u thetshelese maipfi a vhuṱali,+Uri nḓivho yanga i dzhene mbiluni yau,+
18 Ndi zwavhuḓi uri u zwi vhulunge mbiluni yau,+Uri zwoṱhe zwi dzule zwi mulomoni wau.+
19 Uri u fhulufhele Yehova,Ṋamusi ndi u ṋea nḓivho.
20 Naa a thi athu u u ṅwalela,Uri ndi u ṋee nyeletshedzo na nḓivho,
21 Uri ndi u funze maipfi a ngoho na a fhulufhedzeaho,Uri u humele murahu kha we a u ruma u na muvhigo wo teaho?
22 U songo fhura mushai ngauri u a shaya,+U songo tsikeledza mushai a re khoroni ya muḓi,+
23 Ngauri Yehova u ḓo vha sengela+U ḓo vhulaya vhane vha vha fhura.
24 U songo konana na ane a ṱavhanya u sinyuwaKana u ḓowelana na ane a vha na mbiti,
25 Uri u sa vhuye wa guda nḓila dzaweWa fashwa nga tshikwekwe.+
26 U songo vha vhukati ha vhane vha khaḓana zwanḓa vha khwaṱhisedza,Uri vha ḓo badela zwe vha hadzima.+
27 Arali u si na tsha u badela,Mmbete wau u ḓo dzhiiwa u tshee wo lala khawo!
28 U songo sudzulusa mukano wa kaleWe wa vhewa nga vhomakhulukuku wau.+
29 Naa wo no vhona munna ane a kona mushumo wawe?
U ḓo ima phanḓa ha mahosi;+Ha nga imi phanḓa ha vhathu zwavho.
Ṱhaluso dzi re magumoni a siaṱari
^ Thevhedz., “takalelwa.”
^ Kana “Bvumo ḽavhuḓi.” Thevhedz., “Dzina.”
^ Kana “ṅwana; muswa.”
^ Kana “ṅwana; muswa.”
