Mirero 29:1-27
29 Ane a kaidzwa lunzhi-lunzhi a omisa mutsinga*+U ḓo fheliswa.+
2 Musi vhavhuya vhe vhanzhi, vhathu vha a takala,Fhedzi musi hu tshi vhusa muvhi, vhathu vha a gomela.+
3 Ane a funa vhuṱali u takadza khotsi awe,+Fhedzi ane a konana na vhathu vhane vha rengisa muvhili u balanganya lupfumo lwawe.+
4 Khosi i ladza shango nga khaṱhulo yo teaho,+Fhedzi ane a ṱoḓa tshanḓanguvhoni u a ḽi tshinya.
5 Ane a hoya muhura waweU retshela milenzhe yawe mambule.+
6 Muvhi u fashwa nga vhutshinyi hawe,+Fhedzi muvhuya u pembela nga dakalo.+
7 Muvhuya u vhilaela nga ha ndugelo dza mulayo dza mushai,+Fhedzi muvhi ha vhilaeli nga ha zwenezwo.+
8 Vhathu vha u zuwa vha fhiriṱanya muḓana,+Fhedzi vho ṱalifhaho vha dzikisa mbiti.+
9 Musi muṱali a tshi semana na tsilu,Hu ḓo vha na u semana na u goḓa, fhedzi hu sa vhe na mulalo.+
10 Vhane vha shulula malofha vha vhenga a si na mulandu,*+Vha ṱoḓa u vhulaya o lugaho.*
11 Tsilu a ḽi dzumbi mbiti* dzaḽo,+Fhedzi muṱali u a dzika.+
12 Musi muvhusi a tshi thetshelesa mazwifhi,Vhashumeli vhawe vhoṱhe vha ḓo vha vhavhi.+
13 Mushai na mutsikeledzi vha fana nga hezwi:
Yehova u vhonetshela tshedza maṱoni avho vhoṱhe.*
14 Musi khosi i tshi haṱula mushai nga nḓila yo teaho,+Khuluṋoni yayo i ḓo dzula yo khwaṱha.+
15 Ṱhamu* na ndayo zwi a ṋea vhuṱali,+Ṅwana o lemiwaho u shonisa mme awe.
16 Musi vhavhi vha tshi engedzea na vhutshinyi vhu a engedzea,Fhedzi vhavhuya vha ḓo vhona u fheliswa havho.+
17 Laya ṅwana wau, ndi hone a tshi ḓo rudza mbilu yau;A ita uri u takale zwihulu.+
18 Hu si na bono* vhathu a vha langei,+Fhedzi hu takala vhane vha tevhedza mulayo.+
19 Mushumeli ha khakhululwi nga u ambiwa nae,Ngauri naho a tshi zwi pfa, ha thetshelesi.+
20 Naa wo no vhona ane a ṱavhanyela u amba?+
U nga si mu fhulufhele, khwine ndi u fhulufhela tsilu.+
21 Arali mushumeli o tondwa u bva vhuṱukuni,Na musi o no aluwa ha nga livhuwi.
22 Ane a ṱavhanya u sinyuwa u vusa nndwa;+Ane a vha na mbiti u ita vhutshinyi vhunzhi.+
23 Ane a ḓikukumusa u ḓo ṱukufhadzwa,+Fhedzi ane a ḓiṱukufhadza u ḓo huliswa.+
24 Ane a konana na mbava u a ḓivhenga.
A nga pfa hu tshi pfi a ḓe a ṱanziele, fhedzi a si ambe tshithu.+
25 U ofha vhathu zwi isa tshikwekweni,+Fhedzi ane a fhulufhela Yehova u ḓo tsireledzwa.+
26 Vhanzhi vha ṱoḓa u amba na* muvhusi,Fhedzi muthu u wana khaṱhulo yo teaho ha Yehova.+
27 A songo lugaho u vhengwa nga muvhuya,+Fhedzi wa nḓila dzo lugaho u vhengwa nga muvhi.+
Ṱhaluso dzi re magumoni a siaṱari
^ Kana “a ita swili.”
^ Kana “a sa solei.”
^ Kana khamusi, “Fhedzi o lugaho u ṱoḓa u tsireledza vhutshilo hawe.”
^ Kana “maḓipfele.”
^ Zwenezwo zwi amba uri, U vha ṋea vhutshilo.
^ Kana “U kaidza; U pfisa vhuṱungu.”
^ Kana “bono ḽa vhuporofita; nzumbululo.”
^ Kana khamusi, “ṱoḓa u takalelwa nga.” Thevhedz., “ṱoḓa tshifhaṱuwo tsha.”
