Mirero 30:1-33
30 Mulaedza wa ndeme u re kha maipfi a Aguri murwa wa Yake, we a u vhudza Ithiele na Ukala.
2 Ndi tou vha tsilu u fhira vhathu vhoṱhe,+Ndi shaya ṱhalukanyo ine muthu a fanela u vha nayo.
3 A thi athu u guda vhuṱali,A thi na nḓivho nga ha Mukhethwa-khethwa.
4 Ndi nnyi we a gonya ṱaḓulu a dovha a tsa?+
Ndi nnyi we a puta muya nga zwanḓa?
Ndi nnyi we a putela maḓi nga tshiambaro tshawe?+
Ndi nnyi we a vhea magumo oṱhe a ḽifhasi?+
Naa u a ḓivha dzina ḽawe na ḽa murwa wawe?
5 Zwoṱhe zwine Mudzimu a amba zwo kuna.+
Ndi tshiṱangu kha vhoṱhe vhane vha khuda ngae.+
6 U songo engedza mafhungo awe,+A sa ḓo u kaidza,Wa dzhiiwa sa muzwifhi.
7 Ndi u humbela zwithu zwivhili.
U songo ndzima zwone ndi tshi kha ḓi tshila.
8 Sendedza vhufhura na mazwifhi kule hanga.+
U songo nṋea vhushai kana lupfumo.
Nṋee mukovhe wa zwiḽiwa zwo nyeḓanaho,+
9 Uri ndi sa ḓo ri ndo no furesa nda u landula nda ri: “Yehova ndi nnyi?”+
Kana nda vha mushai nda vho tswa, nda nyadzisa dzina ḽa Mudzimu wanga.
10 U songo tshinya dzina ḽa mushumeli kha muṋe wawe,U ḓo u sema, wa vhonwa mulandu.+
11 Hu na murafho une wa sema khotsi awoNa u sa ṱhonifhi mme awo.+
12 Hu na murafho une wa ḓivhona wo kuna+Ngeno u songo ṱamba tshika yawo.
13 Hu na murafho une wa ḓihudzaNa wa maṱo a u ḓikukumusa!+
14 Hu na murafho une maṋo awo a nga mabangaNa u re na ṱhaha dzine dza ṱhavha;Vha ḽa vha si na zwavho kha ḽifhasiNa vhashai kha vhathu.+
15 Gufha ḽi na vhananyana vhavhili vhane vha lila vha ri: “Nṋee! Nṋee!”
Hu na zwithu zwiraru zwi sa fushei,Hu na zwiṋa zwine zwa si vhuye zwa ri: “Ndo fushea!”
16 Ndi Vhiḓa*+ na mbumbelo ya a sa bebi,Shango ḽi si na maḓi,Na mulilo une wa sa vhuye wa ri: “Ndo fushea!”
17 Ḽiṱo ḽine ḽa goḓa khotsi na ḽine ḽa nyadza u thetshelesa mme,+Ḽi ḓo nongolwa nga mafunguvhu a govhani,*Ḽi ḓo ḽiwa nga mafhondo a magoni.+
18 Hu na zwithu zwiraru zwine ndi si zwi ṱalukanye,*Na zwiṋa zwine ndi si zwi pfesese:
19 Ndi nḓila ya goni ngei ṱaḓulu,Ndi nḓila ya ṋowa kha tombo,Ndi nḓila ya tshikepe lwanzheni,Na nḓila ya munna a tshi ṱoḓa musidzana.
20 Nḓila ya mufumakadzi wa phombwe ndi heyi:
U a ḽa, a phumula mulomo wawe;A ri: “A hu na tsho khakheaho tshe nda ita.”+
21 Hu na zwithu zwiraru zwine zwa dzinginyisa ḽifhasiNa zwithu zwiṋa zwine ḽi si kone u zwi konḓelela:
22 Musi mulanda a tshi vha khosi,+Musi tsilu ḽo ḓalelwa nga zwiḽiwa,
23 Musi mufumakadzi ane a vhengwa a tshi vhingwa,Musi mushumeli wa mufumakadzi a tshi vho dzhia vhuimo ha muṋe wawe.+
24 Hu na zwithu zwiṋa kha ḽifhasi zwine zwa vha zwiṱuku vhukuma,Fhedzi zwo bebiwa zwo ṱalifha:*+
25 Vhusunzi ndi zwikhokhonono zwi si na nungo,*Fhedzi vhu kuvhanganya zwiḽiwa zwaho tshilimo.+
26 Mbila+ ndi zwipuka zwi si na nungo,*Fhedzi dzi ḓifhaṱela nnḓu matomboni mahulu.+
27 Nzie+ a dzi na khosi,Fhedzi dzi fhufha dzoṱhe dzo tevhekana.*+
28 Tshikwavhavha+ tshi nambatela nga milenzhe yatsho,Tshi dzhena na pfamoni ya khosi.
29 Hu na zwithu zwiraru zwine zwa takadza musi zwi tshi tshimbila,Na zwiṋa zwine zwa takadza musi zwi tshi sudzuluwa:
30 Ndi ndau ine ya vha na maanḓa u fhira phukha dzoṱhe,Ine ya si shavhe muthu;+
31 Ndi mmbwa; ndi tshibokoṱo;Na khosi ine ya vha na mmbi yayo.
32 Arali wa ita zwa vhutsilu wa ḓihudza+Kana wa humbula u ita zwenezwo,Fara mulomo wau nga tshanḓa.+
33 U fheṱela mafhi zwi ita boḓoroU kwaṱula ningo zwi bvisa mikota,U dzikusa mbiti zwi vusa tsemano.+
Ṱhaluso dzi re magumoni a siaṱari
^ Kana “Sheol.” Sedzani Mutevhe Wa Ṱhalutshedzo Ya Maipfi.
^ Kana “muedzini.”
^ Kana “zwine zwa mmangadza vhukuma.”
^ Kana “ṱalifha vhukuma.”
^ Thevhedz., “ndi lushaka lu si na nungo.”
^ Thevhedz., “ndi lushaka lu si na maanḓa.”
^ Kana “fhandekana nga zwigwada.”
