Yesaya 55:1-13
55 Iḓani, inwi noṱhe ni re na ḓora,+ iḓani ni nwe maḓi!+
Inwi ni si na tshelede, iḓani ni dzhie ni ḽe!
Iḓani ni dzhie waini na mafhi+ nga fhedzi.+
2 Ndi ngani ni tshi dzulela u renga zwine zwa si vhe vhurotho,Ndi ngani ni tshi shumisa tshelede yaṋu* kha zwine zwi si fushe?
Nthetsheleseni zwavhuḓi, ndi hone ni tshi ḓo ḽa zwavhuḓi,+Ni ḓo ḓiphiṋa nga zwine zwa vha na mapfura.+
3 Thetshelesani* ni ḓe ha nṋe.+
Nthetsheleseni ndi hone ni tshi ḓo tshila,Ndi hone ndi tshi ḓo vhofha mulanga wa lini na lini na inwi+U tendelana na lufuno lu sa shanduki lwe nda lu sumbedza Davida.+
4 Ndo mu ita ṱhanzi+ ya dzitshaka,Murangaphanḓa+ na mulangammbi+ wa dzitshaka.
5 Ni ḓo vhidza lushaka lune na si lu ḓivhe,Na vha lushaka lwe lwa vha lu sa ni ḓivhi vha ḓo ni gidimelaNga nṱhani ha Yehova Mudzimu waṋu,+ Mukhethwa wa Isiraele,Ngauri u ḓo ni hulisa.+
6 Ṱoḓani Yehova a tshi kha ḓi wanala.+
Mu vhidzeleleni a tshee tsini.+
7 Muvhi nga a ṱutshele nḓila dzawe+Muvhi a laṱe mihumbulo yawe;Nga a vhuyelele kha Yehova ane a ḓo mu khathutshela,+Kha Mudzimu washu, ngauri u ḓo mu hangwela tshoṱhe.*+
8 “Ngauri muhumbulo wanga a u fani na waṋu,+Nḓila dzaṋu a dzi fani na dzanga,” u ralo Yehova.
9 “Samusi ḽiṱaḓulu ḽi nṱha u fhira ḽifhasi,Na nḓila dzanga dzi nṱha u fhira dzaṋuNa muhumbulo wanga u fhira waṋu.+
10 Samusi mvula na mahaḓa zwine zwa wa zwi tshi bva ṱaḓuluZwi sa vhuyeleli henengei zwi sa athu u ṋukadza ḽifhasi na u ita uri ḽi medze zwimela na u aṋwisa,Na u ita uri ane a zwala a wane mbeu na ane a ḽa a wane vhurotho,
11 Zwi ḓo tou ralo na nga ipfi ḽine ḽa bva mulomoni wanga.+
Ḽi nga si vhuyelele kha nṋe hu si na zwe ḽa khunyeledza,+Fhedzi ḽi ḓo vuledza zwiṅwe na zwiṅwe zwine zwa ntakadza,*+Ḽi ḓo khunyeledza zwe nda ḽi rumela zwone.
12 Ngauri ni ḓo bva no takala,+Na vhuiswa nga mulalo.+
Dzithavha na zwikwara zwi ḓo takala zwi phanḓa haṋu zwa fhululedza,+Miri yoṱhe ya tsimuni ya vhanda zwanḓa zwayo.+
13 Vhudzuloni ha zwiṱaka zwa mipfa hu ḓo mela muri wa mudzhunipa,+Vhudzuloni ha tshitondovhe hu ḓo mela muri wa muṱhala.
Zwi ḓo ḓisela Yehova bvumo,*+Zwa vha tshiga tsha lini na lini tshine tsha sa ḓo tshinyala.”
Ṱhaluso dzi re magumoni a siaṱari
^ Kana “tshelede yaṋu ye na i wana u vhavha.”
^ Thevhedz., “Sendedzani nḓevhe dzaṋu kha nṋe.”
^ Kana “nga mbilu yoṱhe.”
^ Kana “nda zwi funa.”
^ Kana “Zwi ḓo itela Yehova dzina.”
