Hetshi tshipiḓa tshi amba nga ha Maṅwalo a Lugerika a Tshikriste. Yesu o bebelwa muṱani wa vhuimo ha fhasi nahone wonoyo muṱa wo vha u tshi dzula ḓoroboni ṱhuku. O vha a tshi shuma na khotsi awe wa muvhaḓi. Yesu o vha e ene we a vha a tshi ḓo tshidza vhathu. Yehova o mu nanga sa Khosi ya Muvhuso wa ṱaḓulu. Arali ni mubebi, thusani ṅwana waṋu u pfesesa nḓila ye Yehova a khetha ngayo nga vhulondi muṱa na vhupo he Yesu a vha a tshi ḓo alutshela hone. Ṱhogomelani nḓila ye Yehova a tsireledza ngayo Yesu uri a si vhulahwe nga Herode na nḓila ine ha si vhe na tshithu tshine tsha nga thivhela ndivho ya Yehova. Gudani nḓila ye Yehova a ṋea ngayo Yohane mushumo wa u vulela Yesu nḓila. Ombedzelani nḓila ye Yesu a sumbedza ngayo uri o vha a tshi funa vhuṱali ha Yehova, na musi a tshee muṱuku.