1 | Thabelo—“Ni Mu Kumedzele Mbilaelo Dzaṋu Dzoṱhe”

TAMBANI

BIVHILI I RI:‘Ni kumedzele Mudzimu mbilaelo dzaṋu dzoṱhe, ngauri u na ndavha na inwi.’—1 PETRO 5:7.

Zwine Zwa Amba Zwone

Yehova u ri ramba uri ri ambe nae nga tshiṅwe na tshiṅwe tshine tsha lemedza mbilu na mihumbulo yashu. (Phisalema 55:22) A hu na thaidzo ine ya vha ṱhukhusa kana ine ya vha khulwanesa ine ri nga si rabele nga hayo. Arali thaidzo i tshi ri kwama, na Yehova i a mu kwama. Zwenezwo ndi nga nṱhani ha uri Yehova u na ndavha na nḓila ine ra ḓipfa ngayo. U rabela kha Yehova ndi ḽiga ḽa ndeme ḽine ḽa ni thusa uri ni wane mulalo.—Vhafilipi 4:6, 7.

Zwenezwi Zwi Nga Ni Thusa Hani?

Musi ri tshi khou lwisana na vhuleme ha vhulwadze ha muhumbulo, ri nga ḓipfa ri roṱhe. Vhaṅwe vhathu vha nga kha ḓi vha vha sa pfesesi zwine ra khou ṱangana nazwo. (Mirero 14:10) Musi ri tshi amba na Yehova nga thabelo, u a ri thetshelesa nga vhuthu nahone u a ri pfesesa. Yehova u a ri vhona nahone u a ḓivha vhuṱungu na zwithu zwoṱhe zwine zwa khou ri shengedza. U ṱoḓa uri ri rabele khae nga tshiṅwe na tshiṅwe tshine tsha ri vhilaedzisa.—2 Koronika 6:29, 30.

U amba na Yehova nga thabelo zwi ita uri ri vhe na fhulufhelo ḽo khwaṱhaho ḽa uri u na ndavha na riṋe. Ri nga ḓipfa u fana na nḓila ye muphisalema a ḓipfa ngayo musi a tshi rabela a ri: “Wo vhona u tambula hanga; u a zwi ḓivha uri ndo tsikeledzea nga maanḓa.” (Phisalema 31:7) U ḓivha uri Yehova u a vhona zwine ra khou ṱangana nazwo, zwi nga ri thusa u bvela phanḓa naho ri tshi khou sedzana na vhuleme. Fhedzi u ita zwo engedzeaho u fhira u sokou ḓivha nga ha u tsikeledzea hashu. U a pfesesa vhuleme hashu na zwine ra khou ṱangana nazwo u fhira naho e nnyi nahone u a ri khuthadza na u ri ṱuṱuwedza a tshi shumisa Bivhili.

Nḓila Ine Bivhili Ya Khou Thusa Ngayo Julian

Nḓila Ine Mbilaelo Dza Nkwama Ngayo

“Ndi na vhulwadze ha u vhilaela lwo kalulaho na ha obsessive-compulsive disorder (OCD). Ndi a pfa ndi tshi vhilaela zwi songo lavhelelwa. Ndi nga ḓipfa ndo takala zwino, fhedzi nga tshifhinga tshiṱuku-ṱuku nda pfa ndi tshi khou vhilaela lwo kalulaho hu si na tsho iteaho. Ndi ḓipfa ndi na mbilaelo nga maanḓa musi ndi vhathuni. Ndi a vhilaela nga maanḓa nga zwine vha zwi humbula nga ha nṋe.

“Khonani dzanga vhane vha ḓivha nga ha vhulwadze hanga vha ita zwoṱhe zwine vha nga kona u itela u nthusa. Fhedzi tshiṅwe tshifhinga vha amba zwithu zwine zwa si nthuse. Naho zwo ralo, ndi a livhuwa uri vha a lingedza u nthusa.

“Tshiṅwe tshifhinga mbilaelo dzanga na OCD zwi ita uri ndi konḓelwe na u rabela. Zwi ṱoḓa uri ndi ite vhuḓidini vhuhulwane muhumbuloni wanga uri ndi kone u amba na Yehova nga thabelo. Ndi humbulesa zwithu zwinzhi nga tshifhinga tshithihi nahone zwi ita uri ndi ḓaḓe. Musi ndi sa koni u langa muhumbulo wanga, zwi a nkonḓela uri ndi vhudze Yehova nga ha zwine nda khou humbula na nga ha nḓila ine nda khou ḓipfa ngayo.”

Nḓila Ine Bivhili Ya Nthusa Ngayo

“Musi ndi tshi guda Bivhili, yo nthusa u vhona uri thabelo a i tei u vha yo lapfaho kana yo serekanaho uri i pfiwe nga Mudzimu. Tshiṅwe tshifhinga musi ndi sa koni u bula nga maipfi nḓila ine nda khou ḓipfa ngayo, ndi sokou rabela u ri: ‘Yehova, ndi khou humbela uri u nthuse.’ Naho ndo tou amba zwenezwo fhedzi, ndi a pfa uri Yehova u a mpfesesa na uri u a fhindula thabelo dzanga nga tshenetsho tshifhinga. U engedza kha thabelo, ndo ṱoḓa thuso ya zwa ngalafho. Ndi nga amba ndo takala uri ndi a livhuwa thuso ine nda i wana kha zwenezwi zwithu zwivhili ngauri vhulwadze hanga ho no vha khwiṋe. Naho hu zwithu zwine zwa nkonḓela nahone zwi tshi ṱoḓa vhuḓidini uri ndi ambe na Khotsi anga wa ṱaḓulu, ndi a zwi ita ngauri ndi na vhuṱanzi ha uri u a mpfuna na uri u khou ṱoḓa u nthusa.”

Ṱhanzi dza Yehova

1 | Thabelo—“Ni Mu Kumedzele Mbilaelo Dzaṋu Dzoṱhe”

Zwine Zwa Amba Zwone

Zwenezwi Zwi Nga Ni Thusa Hani?

You May Also Like

Ni Nga Rabela Hani Uri Mudzimu A Ni Pfe?

Naa Mudzimu U Thetshelesa Thabelo Dzoṱhe?

Ndi Ngani Ndi Tshi Tea U Rabela?

Naa Mudzimu U A Pfa Thabelo Dzashu?

Humbelani U Dalelwa

“Ni Mu Kumedzele Mbilaelo Dzaṋu Dzoṱhe”

NḒILA DZA U DOWNLOUDA

Zwine Zwa Amba Zwone

Zwenezwi Zwi Nga Ni Thusa Hani?

You May Also Like

NḒILA DZA U DOWNLOUDA

Khethani Luambo Lwaṋu

Sherani