Naa ni a Kona u Vhona Zwine na zwi Vhala nga Maṱo a Muhumbulo?

U KONA u vhona zwiitea nga maṱo a muhumbulo zwi ḓo ni thusa uri ni kone u ḓivha nga ha fhethu hune na khou vhala ngaho. Sa tsumbo, ṱhogomelani nyendo dza muapostola Paulo dza vhurumiwa, dzo ambiwaho nga hadzo kha bugu ya Bivhili ya Mishumo. Kha lwendo lwawe lwa vhurumiwa lwa u thoma, o thoma kha ḽa Antiokia, he vhatevheli vha Yesu vha thoma hone u vhidzwa Vhakriste. U bva henefho a ya fhethu hu no nga Salami, Antiokia shangoni ḽa Pisidia, Ikonia, Lisitara, na Derebe. Naa ni nga kona u vhona nga maṱo a muhumbulo uri henefho fhethu ho vha hu ngafhi?

Khamusi ni nga kha ḓi sa hu vhona nga nnḓa ha musi ni na mapa. Kha bugwana ntswa i re na masiaṱari a 36, ine ya pfi “See the Good Land,” hu na mimapa ya hone. Muṅwe muvhali wa ngei Montana, U.S.A., o amba zwi tevhelaho a tshi khou livhuha yeneyo bugwana: “Ndi a kona u vhona nyendo dza Paulo nahone ndi a lingedza u humbula nga nḓila ye a vha a tshi tshimbila ngayo na mushumo we ene na vhaṅwe vha u ita wa u phaḓaladza mafhungo maḓifha. Ndi a ni livhuha vhukuma nga ṅwambo wa tshenetsho tshishumiswa tshi takadzaho vhukuma.”

Mapa wa nyendo dza Paulo ndi muṅwe wa mimapa minzhi i re hone kha yeneyo bugwana ine ya ḓo thusa vhavhali uri vha kone u vhona zwithu zwo ṅwaliwaho Bivhilini nga maṱo a muhumbulo. Ni nga ḓihumbelela kopi ya bugwana “See the Good Land” nga u ḓadza bogisi ḽi re afho fhasi nahone na ḽi rumela kha ḓiresi yo sumbedzwaho henefho fhasi kana kha ḓiresi yo teaho i re kha siaṱari 2 ḽa wonoyu magazini.

□ Nga khumbelo nthumeleni kopi ya bugwana “See the Good Land.”

□ Nga khumbelo nkwameni malugana na pfunzo ya Bivhili ya hayani ya mahala.

[Ṱhaluso ya Vhubvo ha Tshifanyiso kha siaṱari 32]

Pictorial Archive (Near Eastern History) Est.