Vhuleme Vhune Ha Ita Uri Ri Vhe Na Fulufhelo
Vhuleme Vhune Ha Ita Uri Ri Vhe Na Fulufhelo
“Maḓuvhani a vhufhelo hu ḓo vha na zwifhinga zwi lemelaho.”—2 TIMOTHEO 3:1.
NAA no no vhuya na pfa kana u vhona zwiṅwe zwithu zwi ṱungufhadzaho zwi tevhelaho?
● Dwadze ḽine ḽa khou fhedza vhathu vhanzhi.
● Nḓala dzine dza khou vhulaya vhathu vhanzhi vhukuma.
● Midzinginyo ine ya khou vhulaha vhathu vha zwigidi nahone ya sia vhanzhi vha si na mahaya.
Kha masiaṱari a tevhelaho ni ḓo ṱolisisa maṅwe mafhungo ane a ḓo ita uri ni humbule nga ho dzikaho nga ha zwiitea zwenezwi. Ni ḓo dovha na zwi vhona uri Bivhili yo dzula yo amba uri zwiitea zwenezwi zwi ḓo vha hone tshifhingani tshine tsha vhidzwa uri ndi “maḓuvhani a vhufhelo.” *
Naho zwo ralo, ndivho ya thero dzenedzi a si u ita uri ni tende uri ri khou tshila shangoni ḽi re na vhuleme vhunzhi. Zwi tou vha khagala uri na inwi ni a vhu vhona vhuleme vhu re hone. Nṱhani hazwo, thero dzenedzi dzo itelwa u ni ṋea fulufhelo. Dzi ḓo ni sumbedza uri u ḓadzea ha vhuporofita ha rathi vhu tevhelaho zwi sumbedza uri hu si kale ‘maḓuvha a vhufhelo’ a ḓo fhela. Kha mutevhe wa dzenedzi thero ri ḓo haseledza nga ha zwithu zwine vhathu vha anzela u zwi amba nahone ri ḓo dovha ra wana zwiitisi zwi pfalaho zwa u tenda uri hu na zwithu zwavhuḓi zwine zwa ḓo itea hu si kale.
[Ṱhaluso i re magumoni a siaṱari]
^ phar. 7 U itela u vhona uri ndi ngani Mudzimu a tshi tendela zwenezwi zwithu zwivhi zwi tshi itea, sedzani thero ine ya ri “Ndi Ngani Mudzimu A Tshi Tendela Vhuvhi Na Tshengelo?” kha masiaṱari 16 na 17 a khandiso yeneyi.
