Vhaswa Vha Khou Ṋaṋa U Vha Na Thaidzo Ya U Tsikeledzea—Bivhili I Ri Mini Nga Hazwo?
DZULANI NO FHAṰUWA!
Vhaswa Vha Khou Ṋaṋa U Vha Na Thaidzo Ya U Tsikeledzea—Bivhili I Ri Mini Nga Hazwo?
Nga Musumbuluwo wa dzi 13 February 2023, Centers for Disease Control and Prevention (CDC) ngei Amerika, yo ṋea muvhigo nga ha u tsikeledzea ha vhaswa vha Amerika. Muvhigo wo sumbedza uri vhaswa vha re sekondari vha fhiraho phesenthe dza 40 vha dzula vho ṱungufhala na u fhulufhuwa.
Vho Dr. Kathleen Ethier, vhane vha vha mulanguli wa CDC Division of Adolescent and School Health (DASH) vho amba uri: “Naho miṅwaha ya fumi yo fhiraho ho vha na nyengedzeo ya vhaswa vha re na thaidzo ya u tsikeledzea, zwazwino mbalo ya vhaswa vha vhasidzana vha re na thaidzo ya u tsikeledzea na vhane vha humbula u ḓivhulaya yo no engedzea u fhira naho hu lini.”
Muvhigo wo sumbedza zwi tevhelaho:
-
Musidzana muthihi kha vhafumi (phesenthe dza 14), o kombetshedzwa u ita zwa vhudzekani. Vho Dr. Ethier vho amba uri: “Zwenezwi zwi a vhilaedzisa vhukuma. Kha vhasidzana vha fumi vhane na vha ḓivha, muthihi khavho kana u fhira o tambudzwa nga zwa vhudzekani.”
-
Kha vhasidzana vha ṱoḓaho u vha vhararu (phesenthe dza 30), muthihi khavho o vhuya a humbula vhukuma nga ha u ḓivhulaya.
-
Kha vhasidzana vha ṱoḓaho u vha vhaṱanu, vhararu khavho (phesenthe dza 57) vha dzula vho ṱungufhala kana u fhulufhuwa.
U gonya ha dzenedzi mbalo hu a pfisa vhuṱungu. Musi ni tshee muswa, ni tea u takala na u ḓiphiṋa nga vhutshilo. Ndi mini zwine zwa nga thusa vhaswa uri vha konḓelele mitsiko ine vha sedzana nayo ṋamusi? Bivhili i ri mini nga hazwo?
Bivhili i ṋea vhaswa vhulivhisi vhune ha nga vha thusa
Bivhili i a amba nga ha zwifhinga zwi tsikeledzaho zwine ra khou tshila khazwo ṋamusi. I zwi vhidza “zwifhinga zwi lemelaho zwi konḓaho u sedzana nazwo.” (2 Timotheo 3:1-5) Naho zwo ralo, i na nyeletshedzo i sa fhelelwi nga tshifhinga ine ya khou thusa vhaswa vha dzimiḽioni u mona na shango uri vha kone u konḓelela khaedu dzine vha khou sedzana nadzo. Ṱhogomelalni thero dzi tevhelaho dzi re na vhulivhisi vhu bvaho Bivhilini.
Zwine zwa nga thusa vhaswa vhane vha khou humbula u ḓivhulaya
Zwine zwa nga thusa vhaswa vhane vha khou sedzana na mutsiko, u ṱungufhala na u vha na mahumbulele a si avhuḓi
-
From Sad to Glad (zwipopayi zwi oliwaho)
Zwine zwa nga thusa vhaswa vhane vha khou sedzana na u shengedzwa kana u shengedzwa kha Inthanethe
-
Beat a Bully Without Using Your Fists (zwipopayi zwi oliwaho)
Zwine zwa nga thusa vhaswa vhane vha khou kombetshedzwa uri vha ḓifare luvhi nga zwa vhudzekani kana u tzhipiwa
Bivhili i ṋea nyeletshedzo ine ya nga thusa vhabebi
Bivhili i dovha ya ṋea vhabebi nyeletshedzo ine vha nga i shumisa u itela u thusa vhana vhavho vhane vha vha vhaswa uri vha kone u sedzana na khaedu vhutshiloni. Ṱhogomelani thero dzi tevhelaho dzi re na vhulivhisi vhu bvaho Bivhilini.
You May Also Like
TSHIINGAMO
Thaidzo Ya Vhulwadze Ha Muhumbulo Ḽifhasini Ḽoṱhe
Muthu a nga lwala vhulwadze ha muhumbulo hu sa londwi miṅwaha yawe kana vhubvo. Vhonani uri vhulivhisi ha Bivhili vhu nga ni thusa hani uri ni vhe na muhumbulo wo takalaho.
ESSENTIAL BIBLE TEACHINGS
Ndi Ngani Mudzimu A Tshi Tendela Tshengelo?
Bivhili i ṋea phindulo ine ya fusha na u khuthadza.
NGUDO DZI RE BIVHILINI
Naa Zwi A Konadzea U Vha Khonani Ya Mudzimu?
Lwa miṅwaha minzhi vhathu vho vha vha tshi ṱoḓa u ḓivha Muvhumbi wavho. Bivhili i nga ri thusa uri ri vhe khonani ya Mudzimu. Honoho vhukonani vhu nga thoma nga u ḓivha dzina ḽa Mudzimu.
NGA HA RIṊE
Humbelani U Dalelwa
Haseledzani mbudziso i bvaho Bivhilini kana ni gude zwo engedzeaho nga ha Ṱhanzi dza Yehova.
