Vhathu vhanzhi a vha humbuli uri zwi nga vhuya zwa konadzea uri vhathu vha bvaho kha tshaka dzi sa fani vha farwe nga nḓila i fanaho.

•    Vho António Guterres vhane vha vha Secretary-General wa UN vho ri: “Shangoni ḽoṱhe hu na tshiṱalula tshine ra nga tshi fanyisa na mulimo, une wa tshinyadza madzangano, vhukonani vhukati ha vhathu na u tshinya vhutshilo ha vhathu ha ḓuvha na ḓuvha. Tshiṱalula tshi khou bvela phanḓa tshi tshi ita uri vhathu vha fare vhaṅwe nga nḓila i si yavhuḓi.”

 Naa tshiṱalula tshi ḓo vhuya tsha fhela? Bivhili i ri mini nga hazwo?

 Bivhili i ri vhudza nga ha nḓila ine Mudzimu a dzhia ngayo vhathu vha tshaka dzi sa fani.

•    “[Mudzimu] ndi ene o itaho uri kha muthu muthihi hu bve tshaka dzoṱhe, uri vha dzule ḽifhasini ḽoṱhe”—Mishumo 17:26.

•    “Mudzimu ha ṱaluli, kha tshaka dzoṱhe ane a mu ofha, a ita zwo lugaho u a mu ṱanganedza.”—Mishumo 10:34, 35.

 Bivhili i ri vhudza uri roṱhe ri muṱa muthihi na uri Mudzimu u ṱanganedza muthu muṅwe na muṅwe hu sa londwi hune a bva hone.

 Tshiṱalula tshi ḓo fheliswa nga Muvhuso wa Mudzimu u re ṱaḓulu. Wonoyo Muvhuso u ḓo gudisa vhathu u fara vhaṅwe nga nḓila yo teaho. Vhathu vha ḓo guda u sa ṱalula vhaṅwe.

•    “Vhadzulapo vha shango vha ḓo guda zwivhuya.”—Yesaya 26:9.

•    “Zwivhuya zwa ngoho zwi ḓo bveledza mulalo, mitshelo ya zwivhuya zwa ngoho i ḓo vha mulalo na u tsireledzea lini na lini.”—Yesaya 32:17.

 Ṋamusi, vhathu vha dzimiḽioni vha khou guda Bivhilini u ṱhonifha na u fara vhaṅwe zwavhuḓi.

•    U itela u guda zwo engedzeaho vhalani magazini wa Awake! u re na tshiṱoho tshine tsha ri “Is There a Cure for Prejudice?”

•    U itela u vhona uri vhabebi vha nga amba hani na vhana vhavho nga ha tshiṱalula vhalani thero i re na tshiṱoho tshine tsha ri “Talking to Children About Racism”