VHUTSHILO HA MUKRISTE

Thusani Vhathu Vha Sa Tendi Kha Mudzimu Uri Vha Ḓivhe Musiki Wavho

TAMBANI

Naa ni a timatima u huwelela kha vhathu vha sa tendi kha Mudzimu ni tshi humbula uri vha nga si thetshelese? Arali zwo ralo, ni humbule uri vhunzhi ha vhathu vhe vha vha vha sa tendi kha Mudzimu vho no vha Ṱhanzi Dza Yehova. Kanzhi vho vha vha tshi tou ṱoḓa u thusiwa uri vha ḓivhe uri Mudzimu u hone.—Rom 1:20; 10:14.

ṰALELANI VIDIO INE YA RI: HUMBULANI URI VHATHU VHA SI NA LUTENDO VHA NGA VHA NA LUTENDO!—VHA SA TENDI URI MUDZIMU U HONE, NGA MURAHU NI FHINDULE MBUDZISO I TEVHELAHO:

Tshenzhelo ya Vho Tommaso i ni thusa hani uri ni si timatime u huwelela kha vhathu vha sa tendi uri Mudzimu u hone?

Phindulo yaṋu

Nḓila ya u zwi ita

Arali muthu a amba uri ha tendi kha Mudzimu, ni ambe nga vhulenda, ni sumbedze vhuthu na uri ni dzhiela nṱha zwine a khou zwi humbula na nḓila ine a ḓipfa ngayo nga eneo mafhungo. (2Ti 2:24) Haseledzani mafhungo ane a nga mu takadza. Naa u a ṱoḓa u haseledza uri ndi mini zwo itaho uri vhunzhi ha vhathu vha tende uri Musiki u hone? Arali zwo ralo, shumisani khandiso na vidio dzashu dzi ambaho nga enea mafhungo. Bugwana Naa Zwithu Zwi Tshilaho Zwo Tou Sikwa? na The Origin of Life—Five Questions Worth Asking, dzo dzheniswa kha Bogisi Ḽa Zwishumiswa Zwa U Funza u itela uri zwi leluwe u dzi wana.

Mathomoni, ni nga timatima u haseledza ngoho i re Bivhilini na muthu a sa tendi kha Mudzimu. Zwi nga vha zwavhuḓi u humbela muhuweleli a re na tshenzhelo uri a ni thuse. Ni humbule uri Yehova a nga ri thusa u kwama mbilu dza vhane vha vha na mavhonele avhuḓi, naho u thomani vho vha vha sa tendi uri u hone.—Mis 13:48.