Noantri femo pecati, sofrimo e morimo parché Adon e Eva i ga desobedio a Dio. a Ma no sarà sempre cossita parché Geovà el ga mandà el so Fiol par liberarne del pecato e dela morte. Gesù Cristo el ga dato la so vita umana perfeta come sacrifìssio par liberarne dela morte. (Ledi Mateo 20:28.) Gesù el podaria viver par sempre qua nela Tera, ma el ga acetà morir par noantri. Cossita, podaremo gaver nantra volta la vita umana perfeta compagno a quela che Adon e Eva i ga perso. El sacrifìssio de Gesù l’è anca una prova che Geovà e Gesù i ne ama tanto. Questa lession la ndarà giutarte a darghe de pi valor al sacrifìssio che Gesù el ga fato.

1. Come la morte de Gesù la ne giuta ancoi?

Noantri semo pecadori, par quela femo tante robe che le disgusta a Dio. Ma par via de quel che Gesù el ga fato, podemo esser perdonadi. Cossa ghemo de far par esser perdonadi? Ghemo de ciamarse grami, domandar scusa a Geovà in nome de Gesù e sforsarse de no far pi el sbàlio. Se femo cossita, podemo gaver una forte amicìssia con Geovà. (1 Gioani 2:1) La Bìblia la dise: ‘Cristo l’è morto una volta par sempre. Una persona giusta par i ingiusti, par finir fora col pecato e par giutarne a esser amighi de Dio.’ — 1 Piero 3:18.

2. Come la morte de Gesù la ndarà giutarne anca nel futuro?

Geovà el ga mandà Gesù ala Tera par dar la so vita perfeta come sacrifìssio. Cossita, quei che i ga fede in Gesù no i sarà destruti, ma i viverà par sempre. (Gioani 3:16) Geovà anca el ndarà finir fora con tute le robe rugne che ghen’è par via del sbàlio de Adon. Alora, se ghemo fede nel sacrifìssio de Gesù, podaremo viver par sempre nte un paradiso qua nela Tera. — Isaia 65:21-23.

 IMPARA DE PI!

3. Par causa dela morte de Gesù, saremo lìberi del pecato e dela morte

1. Adon l’era perfeto e el ga scoliesto desobedir a Dio. Par quela, tute le persone le ze imperfete e le more

2. Gesù l’era un omo perfeto e el ga obedio a Dio. Par quela, tuti i podarà esser perfeti e viver par sempre

4. La morte de Gesù la pol giutar a tute le persone

 5. El sacrifìssio de Gesù l’è un grando presente de Geovà par ti

Quei che i ze amighi de Geovà i pensa che el sacrifìssio de Gesù l’è un presente tanto spessial. Par esémpio, ledé Gàlati 2:20, e dopo, parlé sora questo:

• Come che el apòstolo Paolo el ga mostrà che el sacrifìssio de Gesù l’era un grando presente de Geovà par lu?

Par via del pecato che Adon el ga fato, gnanca una persona podaria viver par sempre. Ma Geovà el ga dato la vita del so Fiol come sacrifìssio. Cossita te podarè viver par sempre.

Ledé Gioani 19:1-7, 16-18. Intanto che ledé questi versìcoli, proé capir come che Geovà el se ga sentio de veder el so Fiol sofrir, e dopo, parlé sora questo:

• Come che te te senti de saver quel che Geovà e Gesù i ga fato par ti?

 COSSA CHE TE GHÈ IMPARÀ?

Par via dela morte de Gesù, Geovà el pol perdonarne quando sbaliemo e podaremo anca viver par sempre.

Sito bon de ricordarte?

• Parché che Gesù l’è morto?

• Parché la morte de Gesù la pol dar a tute le persone la vita perfeta che Adon el ga perso?

• Come la morte de Gesù la pol giutarte?