Si. Dio el ga preocupassion quando un dei so servi stà mal. La Bìblia la promete: “Geovà no’l ndarà abandonarlo intanto che lu l’è malà nel so leto.” (Salmo 41:3) Se te ghè una malatia che no la ga cura, stà atento a questi punti:

1.   Prega par domandar forsa par perseverar. Te pol ricever “la pace de Dio, che la ze pi granda de quel che podemo capir”. (Filipensi 4:6, 7) Cossita te pol esser manco ansioso e esser bon de ndar avanti.

2.   Sìpia positivo. La Bìblia la dise: “Un cuor contento l’è un bon rimèdio, ma el spìrito desanimà el finisse cole forse dela persona.” (Proverbi 17:22) Impara a rìderghe sora i problemi, cossita i giorni rugni i gavarà pi alegria e anca te giutarà a gaver pi salute.

3.   Fà pi forte la to fede ntel futuro. Una speransa sicura la pol giutarte a gaver alegria anca se te ghè una malatia che no la ga cura. (Romani 12:12) La Bìblia la parla de un giorno in che “gnanca un residente el dirà: ‘Son malà.’” (Isaia 33:24) Alora Dio el guarirà tute le malatie che no le ga cura, una roba che la siensa de ancoi no la pol mia far. Par esémpio, ntela Bìblia ledemo sora el giorno che ndaremo restar gióveni nantra volta: “Che la so carne la devente pi fresca de quela de un gióveno. Che lu el gàpia nantra volta la so forsa de gióveno.” — Giò 33:25.

 Nota: Anca se ricognossemo che Dio el ne giuta, noantri Testimònie de Geovà ndemo inserca de tratamenti mèdichi par le malatie che no le ga cura. (Marco 2:17) Ma noantri no incoraiemo nissuni a far qualche tratamento mèdico spessìfico. Credemo che cada persona la ga de dessider sora cossa far.