“Muluku . . . anapuputthe maithori oothene a mmaithoni mwaya. Ni okhwa khorwa okhala veeli naari winla naari wiikhupanyera naari ovoreya khorwa okhala tho.” — Apokalise 21:3, 4, Biblya Exirima.

Mwaha woweera. . .

Munokhalano muteko woorera ni woohakalaliha. — Yesaya 65:21-23.

Okhala elapo yoohikhala irettha naari ohaawa. — Yesaya 25:8; 33:24.

Okhalano ekumi yoohimala ni ya murettele eriyari ya amusi ni asinkwihu. — Nsalmu 37:11, 29.

Aani, mwaha wa mathowa meeli:

• Muluku ookhalano ikuru wookwaneliha itthu soothene alayihenrawe. Biblya, annamwihima Yehova okhala Muluku “a ikuru soothene, mwaha wooweera ikuru sawe ti soohimala. (Apokalise 15:3) Mwa yeyo khuwavovo ohovela weera, onokwaneliha itthu sootthene olayihenrawe wotxentxa elapo ya vathi, weera ekhale elapo yoorera. Ntoko Biblya anahimawe, “Khiyaavo etthu Muluku anotxeelawe.” — Matheyo 19:26.

• Muluku annatthuna okwaneliha itthu soothene. Mwa ntakihero, Yehova ohinkheliwa n’atthu ekhwiiye ni onnatthuna watthikihera ekumi. — Yobi 14:14, 15.

  Navetho Biblya onnonihera weera, Yesu ahaalamiha aretta. Mwaha waheeni apankawe hiiho? Mwaha wooweera owo aakhalano nsivelo n’atthu. (Marko 1:40, 41) Yesu aakhalano mikhalelo saatithawe, tiyeeyo yamweeriha wakhavihera atthu. — Yohani 14:9.

  Ela ennaneriha ohihovela weera Yehova ni Yesu, ennatthuna wakhavihera atthu okhalano ekumi yoorera muhoolo moohipisa. — Nsalmu 72:12-14; 145:16; 2 Pedru 3:9.