Muthanleleke moolumo ootthuneya a yoolepa. Nuumala osoma yoolepa muttittimiheryeke eponto enivarihana ni mwaha onithokorerya anyu. Vaatthuneyaka pooti otthikela-tho oromola eponto, wala opaka nikoho ninrowa owiiriha alipa-oowiriyana oweha moolumo anittittimiherya eponto eyo.

Muttittimiheryeke eponto. Mwapacerya oromola yoolepa eniphavela anyu osoma, nto nuumala osoma muttittimiherye moolumo anivarihana ni eponto enithokorerya anyu.

Mutthokiheryeke ovareleya waya muteko mwa enamuna yookhweya. Musyakeke ottittimiherya khula etthu ehinivarihana ni eponto yuulupale. Moovarihana ni ele alipa-oowiriyana anisuwela aya sa mwaha owo, muthanleke itthu munoona anyu wira sinimwaakhaliherya wiiwexexa saana etthu enithokorerya anyu.