Ubba zaree lagge gidiyoogee mule danddayettennabadan daro asay qoppees.

•   “Kumetta saꞌan, zariyan zaggiyoogee dirijjiteta, deretettaa duussaanne galla galla deꞌuwaa marzzedan keehi qohiiddi deꞌees. Hegee ubbatoo asay issoy issuwaa maara oyqqennaadan oottees.”—Anttonii Gutereeza, Kawotettatu Issippetettaa Waanna Xaafiyaa.

 Ubba zaree lagge gidiyo wodee yaanee? Geeshsha Maxaafay Woygii?

 Dumma dumma zare gidida asata Xoossay waati xeelliyaakko Geeshsha Maxaafay tamaarissees.

•   “Xoossai asa zare ubbaa issi uraappe medhdhidi, biitta ubban wottiis.”—Oosuwaa 17:26.

•   “Xoossai asa som77o xeellenna; shin dere ubban baassi yayyiyaagaanne xillo ooso oottiyaagaa [nashshees].”—Oosuwaa 10:34, 35.

 Geeshsha Maxaafay asa ubbay issi so asa gidiyoogaanne Xoossay ubba zare asaakka nashshiyoogaa yootees.

 Xoossaa Kawotettan ubba asaykka issi lagge gidana. He kawotettay asay harata waatidi bessiyaagaadan oyqqanaakko tamaarissana. Asay zariyan zagganaadan oottiya ay qofaakka waati agganaakko tamaarana.

•   “Sa7an de7iya asai xillotettaa [tamaarana].”—Isiyaasa 26:9.

•   “Xillotettaa oosoi sarotetta gidana; xillotettaa aifeekka merinau woppatettanne ammanettidi de7iyoobaa gidana.”—Isiyaasa 32:17.

 Ha wodiyan, miilooniyaa qoodettiya asay harata bonchchuwan waati oyqqanaakko Geeshsha Maxaafaappe tamaariiddi deꞌees.

•   Gujjada eranawu, “Asaa Coo Ixxiyoogee Attanee?” giya Beegottite! maxeetiyaa nabbaba.

•   Yelidaageeti hegaabaa bantta son waati tobbana danddayiyaakko eranawu, “Zariyan Zaggiyoogaa Xeelliyaagan Naata Tamaarissiyoogaa” giya huuphe yohuwaa nabbaba.