Piaichipaꞌazun dun pidian, kiwiin pipixaa yryy: “Naꞌapauram pyꞌyy?” Mazan pipixaan an naꞌap Tuminkery at, naꞌapam nii man ydakuꞌitin?

“Ungary Yewah. Kaikepaꞌu wyryy un yy.” — Isaiah (Isaías) 42:8.

Yxaꞌapanym kayꞌan ymanawynyꞌu wyryy yꞌyy yꞌat. Aunaa kanum kaꞌytaan Tuminkery. Pa aipenat Yewah dakutan paꞌyy. Ykian: “Diura karikeunanyꞌu nii un yy, ipei pidiannau naꞌik intakaandaynhau kaikepaꞌu nii innhikynyichipan ungary.” (Exodus [Êxodo] 3:15) Tuminkery Karichian idiaꞌa, kainhaꞌa Tuminkery yy pauwaꞌa zii ydakutap kinhau kid ai, diuraz kid kawan, Maꞌuzkaꞌu Manawyn, WaDary aukaz iaꞌu, Naubunai naꞌik Tuminkery. Naꞌik yꞌyy saadkau pauwaꞌa zii bauran pidiannau yy ai, diuraz kid kawan, Abraão, Moisés, Davi naꞌik Disu. Naꞌikim Yewah aipen pidiannau aichipan paꞌyy. Tuminkery Paradan kian: “Marii kiz pidiannau aichipan pyꞌyy Yewah, suu pygary Ymanawynyꞌu ipei imiꞌi baara an.” — Psalm (Salmo) 83:18.

Yxaꞌapanym kayꞌan ymanawynyꞌu wyryy yꞌyy Disu at. Kainhaꞌa turinhapkary aichiapkariweiz WaDary aukaz iaꞌu kii, Disu tuminhapkidian pidiannau inturinhap kiz kaikepaꞌa Tuminkery at: ‘Marii kiz pyꞌyy taapkau ymanawynyꞌu nii’ (Matthew [Mateus] 6:9 TNM) Disu turinpen Tuminkery at kaikepaꞌa: ‘UnDary, marii kiz pidiannau taapan pyꞌyy ymanawynyꞌu nii.’ (John [João] 12:28 TNM) Karikeunan Disu kunaykikidiayzun Tuminkery yy, yryy ymanawynyꞌu aimeakan yxaꞌapatnii. Yryy id, Disu kian paDary at: ‘Un aichiap kidinii naa pyꞌyy in at, naꞌik karikeunanyꞌu nii un aichiap kidian pydaꞌy in at.’ — John (João) 17:26 TNM.

Yxaꞌapanym kayꞌan ymanawynyꞌu wyryy yꞌyy ypuchurynau at. Kutyaꞌainhau Tuminkery Puchurynau in aichipayznii, ymanawynyꞌu wyryy Tuminkery yy, ykazannaatin kinha nii dikeydaꞌu ai. Tuminkery Karichian kian: “Yewah yy ikudazuꞌu dukuaꞌu kabayn kawynyꞌu. Kaimenaꞌu pidian dizinhan nii wyryy dakuaꞌu kabayn nazu it inkazannaatin kinha nii  uiaꞌu ai.” (Proverbs [Provérbios] 18:10) Naꞌik ykuwad kapam “Ipei pidian dakutaꞌuraz Yewah yy kazannaatkau nii”. (Joel 2:32) Tuminkery Karichian tuminhap kidian kapam, Tuminkery yy kainhaabat ypuchurynau: “Ipei pidiannau chiꞌikpan nii patuminkeryn yy kawan at, mazan waynau wachiꞌikpan nii Yewah yy kawan at, waTuminkeryn, karikeunanyꞌu nii wachiꞌikpan yꞌyy kawan at.” — Micah (Miqueias) 4:5; Acts (Atos) 15:14.

Tuminkery yy kainhaabat kanum wyryy yryy naꞌik kanum tyryy yxaꞌaptan. Dirib aichipabainhau inkian Yewah yy kiaꞌazun “Yxaꞌapat paxaꞌapatazuniaz xaꞌapan”. Yewah Tuminkery kaminkeꞌytnii wa aichipan naꞌapauram yꞌyy kiaꞌazun yparadan dun Moisés at: “Unxaꞌaptan nii kanum unxaꞌapataꞌazunii.” (Exodus [Êxodo] 3:14) Ykayꞌan, Tuminkery tuminhapkidian waynau paꞌyy idiaꞌan, yryy watumik naꞌikim tyryy yxaꞌaptan kanum paxaꞌapataꞌazunii uu tyryy ykaiween xaꞌapauran pidian uu aimeakan paxaꞌapat kinha nii kanum paxaꞌapataꞌazunii. Kainhaꞌa dirib Tuminkery dakutapkinhaꞌu, kainhabataꞌu nii yryy maꞌuzkaꞌu manawyn naꞌik aunaa kanum maꞌuzkaꞌu pauwaꞌa zii yꞌai. Mazan suu yꞌyy Yewah aidyan waꞌat kanum wyryy yryy naꞌik kanum tyryy yxaꞌaptan.

Tuminkery aipen waminhaydaꞌychipan paygary. Tuminkery yy aidyan, ytaapnii naꞌik ykarudap patuminiinhau, yryy id ytaap ipei waynau. Tuminkery kuwadnii paꞌyy waꞌat. Ykayꞌan yaipen wa aichipan paygary. Pa aipenat Tuminkery kuwadan paꞌyy waꞌat, aunaa yzaidipan papixaakau paꞌyy daꞌyan. Yryy id, aunaa Tuminkery aipen wadiꞌitinpen aunaa naꞌapam wa aichipan yryy, mynapyꞌu yryy waꞌai. Tuminkery aipen wataapan yryy wadazubaꞌa, waminhaydaꞌy nii. — Psalm (Salmo) 73:28.

Wadakutan dun Tuminkery yy, wa aidyan wakaminhadaꞌytinpeꞌazun ytym. Pyminhaydaꞌychipaꞌazun dun pidian, pykuwad pyꞌyy wyryy pidian at. Naꞌapam nii man piabatinpen aunaa dun man pidian dakutan pyꞌyy? Panaadun pidiꞌitinpen nii, aunaa wyryy pidian kaminhaydaꞌytinpeꞌazun py tym. Naꞌap yxaꞌapan Tuminkery tym. Yewah kuwadnii paꞌyy waꞌat naꞌik yaipen wakaiweenyz. Wadakutan dun yꞌyy wa aidyan yꞌat wakaminhaydaꞌytinpeꞌazun ytym. Atii ‘pidian diꞌitinpen dun Tuminkery yy daꞌy’, yaichiap. — Malachi (Malaquias) 3:16, pytykap kainharibei.

Watuminpen dun Tuminkery yy daꞌy, yryy kiwiichipaꞌu aimeakan wa aichiap kinha nii yryy. Yryy ymanawynyꞌu aimeakan wa aichiap kiz, mazan kainhaꞌa zii bauran aimeakan kid wa aichiap kiz. Marii kiz wa aichipan naꞌapauram ykadyz kid.