KYWAI KARICHI MADA IDIAꞌAꞌU
Kandii nii aunaa kiz pykaxadinhan?
DIANA * aichipabaꞌu naꞌik painhaꞌu uruu, unaydap pakunaykiitinhan paminhaydaꞌynau tym, kaimenaꞌu zyn uruu. Kunaykiaꞌu uaidinpen padamat, mazan tyykiaꞌu ukaxaꞌurtinhan panhikynyy ii. Ukian: “Ipei kamuu undiꞌitinpen un aipen unmaukan. Un at kaimenaꞌu nii amazada unmaukan dun.”
Pabiꞌikid pidiannau tuminpeꞌuraz wyryy pidiannau zuwinhaꞌuraz daꞌy, inkian: “baydap pidian zuwinhan dun, 200 pidiannau tiweein nii pazuwinhan naꞌik bauran 400 pidiannau indiꞌitinhapniꞌi pazuwinhan.” — THE GAZETTE, MONTREAL, CANADÁ.
Diana kian, aunaa ukaꞌichian pazuwinhan. Mazan udiꞌitinhapnii, aunaa kanum nii umaxaapan. Ukian: “Tyykiaꞌu un aipen aimeakan zutchaꞌakan ungary unmauwakaꞌaka kiziꞌi naa. Mauwakary aunaa tarybai man un at, mazan kaimenaꞌu aimeakan.”
Dirib pidiannau abatinpen naꞌap Diana kawan, naꞌik pabiꞌikid pidiannau intiweey niꞌi naa pazuwinhan. Mazan daktanau kian wyryy pidiannau tiweeinhaꞌuraz pazuwinhan, aunaa mixiꞌu man inmaukaꞌazun, in aipen kuwas pabaitinhan maxaadan. In itiimen, aunaa kandii nii inkakypan, mazan in aichiap kiz kandii nii inkakypan.
Kandii nii aunaa kiz pykaxadinhan? Pytykap idikinhaydaꞌy aimeakan aunaa kiz pykaxadinhan pymaxaapan ai.
^ Panadkaurei pidian yy.
