An Siyahan nga Surat ni Juan 1:1-10
1 Adto nga tikang pa ha tinikangan, nga amon nabatian, nga nakita han amon mga mata, nga amon naobserbaran ngan nakaptan han amon mga kamot, may kalabotan ha pulong han kinabuhi,+
2 (oo, an kinabuhi iginpadayag, ngan amon nakita ngan ginpapamatud-an+ ngan iginsusumat ha iyo an kinabuhi nga waray kataposan+ nga nagtikang ha Amay ngan iginpadayag ha amon),
3 adto nga amon nakita ngan nabatian iginsusumat liwat namon ha iyo,+ basi kamo liwat makaupod* namon. Ngan hini nga aton pagkaurupod kaupod naton an Amay ngan an iya Anak nga hi Jesu-Kristo.+
4 Ngan iginsusurat namon ini nga mga butang basi magin bug-os an aton kalipay.
5 Ini an mensahe nga amon nabatian ha iya ngan iginpapahibaro ha iyo: An Dios kalamrag,+ ngan waray gud kasisidman ha iya.*
6 Kon magsiring kita, “Nakikig-upod kita ha iya,” pero padayon nga naglalakat kita ha kasisidman, nagbibinuwa kita ngan diri nagbubuhat han kamatuoran.+
7 Kondi, kon naglalakat kita ha kalamrag sugad la nga hiya mismo aada ha kalamrag, nagkakaurupod kita ha usa kag usa, ngan an dugo ni Jesus nga iya Anak naglilimpyo ha aton ha ngatanan nga sala.+
8 Kon magsiring kita, “Waray kita sala,” ginlilimbongan naton an aton kalugaringon+ ngan an kamatuoran waray ha aton.
9 Kon aton igsumat an aton mga sala, maunungon ngan matadong hiya salit papasayloon kita han aton mga sala ngan lilimpyohan kita ha ngatanan nga pagkadiri-matadong.+
10 Kon magsiring kita, “Waray kita makasala,” aton hiya ginhihimo nga buwaon, ngan an iya pulong waray ha aton.
