Job 24:1-25
24 “Kay ano nga an Makagarahum-ha-ngatanan diri nagtatanda hin panahon?+
Kay ano nga an mga nakilala ha iya diri nakakakita han iya adlaw?*
2 An mga tawo nagbabalhin hin mga tigaman han giutan;+Nangunguha hira hin mga panon para ha ira kalugaringon nga panabsaban.
3 Ira gintatabog an asno han mga bata nga waray tatay
Ngan gin-aagaw an todo nga baka han balo nga babaye sugad nga garantiya para ha utang.*+
4 Ira ginpapaiwas ha kalsada an mga pobre;An waray mahihimo nga mga tawo ha tuna kinahanglan magtago tikang ha ira.+
5 An mga pobre namimiling hin pagkaon pariho hin ihalas nga mga asno+ ha kamingawan;Namimiling hira hin pagkaon ha disyerto para ha ira mga anak.
6 Kinahanglan hira mag-ani ha uma han iba*
Ngan magtirok han salin tikang ha urubasan han maraot.
7 Nagpapalabay hira han gab-i nga hubo, nga waray bado;+Waray hira pantahob para ha kahagkot.
8 Nahuhulos hira han uran ha kabukiran;Nangangapyot hira ha mga bato tungod kay waray hira nasisirongan.
9 An bata nga waray tatay gin-aagaw tikang ha suso han iya nanay;+Ngan an mga bado han mga pobre ginkukuha sugad nga garantiya para ha utang,+
10 Salit napipiritan hira nga maglakat-lakat nga hubo, nga waray bado,Ngan gutom, samtang dara nira an mga binutok nga mga uhay.
11 Nagtatrabaho hira ha butnga han mga pader han hagdan-hagdan nga urubasan durante han kapaso han adlaw;*
Gintatamak-tamakan nira an mga ubas ha mga purog-an hito, kondi gin-uuhaw hira.+
12 An mga tikamatay padayon nga nangangaraba ha syudad;An mga nasamaran hin grabe* nangangaraba para hin bulig,+Kondi diri ini gintatagad han Dios sugad nga sayop.*
13 May mga tawo nga nagrirebelde kontra ha kalamrag;+Diri nira ginkikilala an mga dalan hito,Ngan diri nira ginsusundan an mga aragian hito.
14 An parapamatay nabuhát ha pagpamanagbanag ha kaagahon;Iya ginpapatay an tawo nga waray mahihimo ngan an pobre,+Samtang ha gab-i nangangawat hiya.
15 An mata han nag-aadulteryo naghuhulat nga magsirom-sirom,+Nga nasiring, ‘Waray gud makakakita ha akon!’+
Ngan iya gintatahoban an iya nawong.
16 Ha gab-i nanunulod hira* ha mga balay;Ha adlaw diri hira nagawas.
Diri hira nakilala ha kalamrag.+
17 Kay para ha ira an aga pariho hin duro nga kasisidman;Maaram hira han makaharadlok gud nga mga butang ha duro nga kasisidman.
18 Kondi madagmit nga igin-aanod hira han katubigan.*
An ira bahin han tuna igsusumpa.+
Diri hira mabalik ha ira mga urubasan.
19 Sugad la nga ginsusurop han huraw ngan han kapaso an natunaw nga niebe,Ginkukuha han Lubnganan* an mga nakasala!+
20 Mahingangalimtan hiya han iya nanay;* kakaunon hiya han ulod.
Diri na hiya mahinunumdoman.+
Ngan an pagkadiri-matadong mababari sugad la hin kahoy.
21 Iya ginbibiktima an baog nga babaye,Ngan ginmamaltrato an balo nga babaye.
22 Gagamiton han Dios* an iya kusog ha pagpatay ha mga gamhanan;Bisan kon bangin bumuhát hira, waray kasigurohan an ira kinabuhi.
23 Gintutugotan hira han Dios* nga magkaada kompyansa ngan magin talwas,+Kondi an iya mga mata nagkikita ha ngatanan nga ira ginbubuhat.*+
24 Ginpapahitaas hira hin halipot nga panahon, katapos nawawara na hira.+
Ginpapaubos hira+ ngan gintitirok pariho han ngatanan nga iba pa nga tawo;Gin-uutod hira pariho han mga uhay.
25 Yana hin-o an makakapamatuod nga buwaon akoO nga diri tinuod an akon ginsisiring?”
Mga footnote
^ Karuyag sidngon, an iya adlaw han paghukom.
^ O “sugad nga kolateral.”
^ O posible nga “manirok hin tubong ha uma.”
^ O posible nga “Nagpupuga hira hin lana ha butnga han mga pader han hagdan-hagdan nga urubasan.”
^ O “mga kalag han mga nasamaran.”
^ O posible nga “diri gin-aakusaran han Dios an bisan hin-o hin sayop.”
^ Lit., “nag-uukad hira tipasulod.”
^ Lit., “Madagmit hiya ha bawbaw han katubigan.”
^ Lit., “han tagoangkan.”
^ Lit., “niya.”
^ Lit., “niya.”
^ Lit., “ha ira mga dalan.”
