Mga Salmo 100:1-5

  • Pagpasalamat ha Maglalarang

    • “Pag-alagad kan Jehova nga may pagrayhak” (2)

    • ‘An Dios an naghimo ha aton’ (3)

Kanta ha pagpasalamat. 100  An bug-os nga tuna magsinggit ngadto kan Jehova tungod han kadaogan.+  2  Pag-alagad kan Jehova nga may pagrayhak.+ Kadto ha iya presensya nga may malipayon nga pagsinggit.  3  Hibaroi* nga hi Jehova an Dios.+ Hiya an naghimo ha aton, ngan hiya an nagtatag-iya ha aton.*+ Kita an iya katawohan ngan an mga karnero ha iya panabsaban.+  4  Sulod ngadto ha iya mga ganghaan upod an pagpasalamat,+Ngadto ha iya mga bungsaran upod an pagdayaw.+ Pagpasalamat ha iya; dayawa an iya ngaran.+  5  Kay hi Jehova maopay;+An iya maunungon nga gugma nagpapabilin ha kadayonan,Ngan an iya pagkamatinumanon ha ngatanan nga henerasyon.+

Mga footnote

^ O “Kilalaha.”
^ O posible nga “ngan diri kita mismo.”
BAG-O NGA KALIBOTAN NGA HUBAD HAN BARAAN NGA KASURATAN
Salmo 100
Waray-Waray
Basaha an Biblia Online
https://cms-imgp.jw-cdn.org/img/p/1001061103/univ/art/1001061103_univ_sqr_xl.jpg
nwt p. 40