Mga Salmo 63:1-11
Kanta ni David, han nakadto hiya ha kamingawan han Juda.+
63 O Dios, ikaw an akon Dios, padayon nga nagpipinamiling ako ha imo.+
Nauuhaw ako* ha imo.+
Nahiraraptay ako* tungod ha kahidlaw ha imoHa mamara ngan uga nga tuna, nga waray tubig.+
2 Salit nagkita ako ha imo ha baraan nga lugar;Nakita ko an imo kusog ngan an imo himaya.+
3 Tungod kay an imo maunungon nga gugma mas maopay pa kay han kinabuhi,+An akon mismo mga im-im maghihimaya ha imo.+
4 Salit dadayawon ko ikaw ha bug-os ko nga kinabuhi;Ha imo ngaran aalsahon ko an akon mga kamot ha pag-ampo.
5 Kontento ako* ha gimaopayi ngan pinakamaopay nga bahín,*Salit an akon baba magdadayaw ha imo nga may kalipay ha akon mga im-im.+
6 Nahinunumdom ako ha imo samtang aada ako ha akon higdaan;Namamalandong ako ha imo durante han mga pagbantay ha gab-i.+
7 Kay ikaw an akon parabulig,+Ngan malipayon nga nasinggit ako dida ha lambong han imo mga pako.+
8 Nakapot ako hin maopay* ha imo;An imo too nga kamot padayon nga nakapot hin marig-on ha akon.+
9 Pero an mga nag-iikaparatay ha akon*
Mahingangadto ha kahiladman han tuna.
10 Igtutubyan hira ha gahum han espada;Magigin pagkaon hira han mga tsakal.*
11 Pero an hadi magrarayhak tungod ha Dios.
Malilipay gud* an tagsa nga tawo nga nanunumpa pinaagi ha Iya,Kay an baba han mga nagyayakan hin kabuwaan pahihilumon.
Mga footnote
^ O “An akon kalag nauuhaw.”
^ Lit., “an akon unod.”
^ Lit., “ha tambok ngan ha katambok.”
^ O “an akon kalag.”
^ O “An akon kalag nakapot hin maopay.”
^ O “namimiling han akon kalag.”
^ O “mga sora.”
^ O “Maghahambog.”
