Salamat han imo panahon ha pag-usisa hini nga brosyur basi makilala kami nga mga Saksi ni Jehova, mahibaro han amon buruhaton, ngan makita kon paonan-o nagios an amon organisasyon. Hinaot nakabulig ini ha imo nga makilala kami sugad nga an nagbubuhat han kaburut-on ni Jehova yana. Gin-aaghat ka namon nga padayon nga kumuha hin kahibaro mahitungod ha Dios, isumat ito ha imo pamilya ngan kasangkayan, ngan makig-upod hin regular ha amon ha mga katirok.—Hebreo 10:23-25.

Samtang mas damu an imo hinbabaroan mahitungod kan Jehova, mas makikita mo an iya daku nga gugma ha imo. Ito an mag-aaghat ha imo nga buhaton an ngatanan basi ipakita nga hinigugma mo liwat hiya. (1 Juan 4:8-10, 19) Kondi paonan-o? Kay ano nga makakaopay ha imo an pagsunod han iya mga suruklan ha moral? Ngan ano an makakabulig ha imo nga magkaada hingyap ha pag-upod ha amon ha pagbuhat han kaburut-on han Dios? Mabubuligan ka han nagdudumara hin pag-aram ha Biblia ha imo nga hibaroan an mga baton hito basi ikaw ngan an imo pamilya ‘magpabilin ha gugma han Dios nga magriresulta hin kinabuhi nga waray kataposan.’—Judas 21, NW.

Kinasingkasing nga gin-aaghat ka namon nga padayon nga mag-uswag ha dalan han kamatuoran pinaagi ha pag-aram han publikasyon nga “Magpabilin ha Gugma han Dios.”