AN PUNTO DE BISTA HAN BIBLIA
An Kalag
Iba-iba an opinyon han mga relihiyon mahitungod ha kalag ngan ha kon ano an nahitatabo hito kon kita namamatay. Kondi an Biblia naghahatag hin matin-aw nga pagsaysay mahitungod hito.
Diri ba namamatay an kalag?
AN GINSISIRING HAN MGA TAWO
Damu nga tawo an natoo nga an kalag diri namamatay. An iba natoo nga pauroutro ito nga igin-aanak, nabalhin ha bag-o nga lawas kamatay han naglabay nga lawas hito. An iba na man natoo nga napakadto ito ha iba nga lugar, sugad ha langit o ha impyerno.
AN GINSISIRING HAN BIBLIA
An Biblia diri nagtututdo nga diri namamatay an kalag. Ha pagkamatuod, agsob nga nasiring ito nga an kalag namamatay. Hi propeta Esekiel, nga gin-giyahan han Dios ha pagsurat hin usa ka bahin han Biblia, nagsiring nga an kalag mahimo sirotan hin kamatayon. Matin-aw, an Biblia nagtututdo nga namamatay an kalag.
“An kalag nga nakakasala, ini mapatay.”
—Esekiel 18:20.
Bulag ba an kalag ha lawas?
AN GINSISIRING HAN MGA TAWO
An kalag an naghahatag hin kinabuhi ha lawas samtang buhi an usa nga tawo pero nabulag ito kon namamatay na hiya.
AN GINSISIRING HAN BIBLIA
An Biblia naghuhulagway hin usa nga nanay nga nanganak hin mga “kalag”
“Igin-anak niya . . . napulo kag unom ka kalag.”
—Genesis 46:18.
Kon namamatay an usa, ano an nahitatabo ha kalag?
AN GINSISIRING HAN BIBLIA
Ha kamatayon, “waray buruhaton, o paghunahuna, o hibaro, o kinaadman, didto ha Sheol.” (Eklesiastes 9:10) An Biblia marig-on nga nasiring nga kon namamatay an usa, “nabalik hiya ngadto ha . . . tuna; hito ngahaw nga adlaw an iya mga hunahuna nawawara.” (Salmo 146:4) An patay nga kalag diri na gud nakakagbuhat hin bisan ano, salit agsob nga iginhuhulagway han Kasuratan an patay sugad nga “nakaturog la.”
KON KAY ANO NGA KINAHANGLAN MO ITO HIBAROAN
Kon namatay an usa mo nga hinigugma, karuyag mo hibaroan an baton han mga pakiana nga sugad hini: Hain hira? Ano an ira kahimtang? Nag-aantos ba hira? Tungod kay ginpapasarig kita han Biblia nga an patay waray na sarabotan, maliliaw kita ha paghibaro nga diri nag-aantos an aton namatay nga mga hinigugma. Mas maliliaw kita tungod kay nagsasaad hi Jehova nga iya babanhawon ha tidaraon an patay nga mga kalag.
“An mga patay diri maaram han bisan ano.”
—Eklesiastes 9:5.
Bangin Maruyagan Mo Liwat
AN BARANTAYAN
Buwa: Madarahog an Dios
Damu an natoo nga ginsisirotan han Dios an magpakasasala ha kadayonan. Madarahog ba an Dios? Ano gud ba an nahitatabo ha kamatay han usa?
BATON HA MGA PAKIANA MAHITUNGOD HA BIBLIA
Ano an Pagkabanhaw?
Malilipay ka ha paghibaro kon hin-o an mga babanhawon.
BATON HA MGA PAKIANA MAHITUNGOD HA BIBLIA
Ano an Kalag?
Usa ba ini nga butang nga aada ha sulod han imo lawas? Padayon ba ito nga mabubuhi bisan kon patay ka na?
