An aton planeta hingpit gud pag-ukyan. Ini may-ada abunda nga tubig nga importante ha kinabuhi. Eksakto liwat an pagkiling, pagtuyok, ngan orbit hini salit an kadagatan diri nagyiyelo o nakaladkad. An atmospera ngan magnetic field han tuna nagpapanalipod hini tikang ha makamaratay nga radyasyon. Urusahon liwat nga an mga tanom ngan mga hayop nadepende ha kada tagsa. Salit damu an nakasiring nga may katuyoan an pagkadisenyo han aton planeta.—Basaha an Isaias 45:18.

Kondi bangin ka magpakiana, ‘Bahin ba hito nga katuyoan an pag-antos ngan kawaray-hustisya?’—Basaha an Deuteronomio 32:4, 5.

An tuna gindisenyo basi magin makalilipay nga urukyan han mga tawo nga may pagtahod ha usa kag usa ngan gugma ha ira Maglalarang. Tungod hito, an kinabuhi han tawo may mas hitaas nga katuyoan kay han kanan tanom o hayop. Nakakakilala ngan nakakadayaw kita han aton Maglalarang, ngan nakakasubad han iya gugma ngan hustisya.—Basaha an Eklesiastes 12:13; Mika 6:8.

Matutuman han aton Maglalarang an ngatanan niya nga katuyoan. Salit makakasigurado kita nga an aton planeta magigin makalilipay gud nga urukyan han tawo tungod kay pagwawad-on han Dios an pag-antos ngan kawaray-hustisya.—Basaha an Salmo 37:11, 29; Isaias 55:11.