An kadaot nga resulta han madarahog nga mga gang nagpapakuri gud ha Haiti. An South Africa ngan Mexico pati an iba nga nasud ha Latin America nag-aantos gud tungod han madarahog nga mga krimen. Bisan ha mga lugar nga naibanan an kamadarahog, an mga tawo nahahadlok la gihapon ngan nababaraka tungod kay nakakabati hira hin balita han mga krimen sugad han pangawat, bandalismo, ngan pansunog.

 Ano an ginsisiring han Biblia ha nahitatabo nga pagkamatinalapason ha bug-os nga kalibotan?

 Igintagna han Biblia nga an pagkamatinalapason magigin bahin han tigaman “han ikatarapos han sistema han mga butang.” (Mateo 24:3) Ha paghulagway han mga panhitabo nga magigin bahin hito nga tigaman, hi Jesu-Kristo nagsiring:

•   “Tungod han pag-uswag han pagkamatinalapason, magtutugnaw an gugma han kadam-an.”—Mateo 24:12.

 Igintagna liwat han Biblia nga “ha kataposan nga mga adlaw” an mga tawo magigin “waray pagpugong ha kalugaringon, mapintas, waray gugma ha kaopayan.” (2 Timoteo 3:1-5) Iton makikalugaringon nga pamatasan nagriresulta han pagkamatinalapason nga nakikita naton yana.

 Pero may-ada pa paglaom. Nagsasaad an Biblia nga ha diri na maiha mawawara na an pagkamatinalapason.

•   “Diri na mag-iiha, ngan an magraot mawawara na; imo kikitaon an ira hinmumutangan, pero waray na hira didto. Pero an mga maaghop magtatag-iya han tuna, ngan magmamalipayon hira hinduro tungod han hura nga kamurayawan.”—Salmo 37:10, 11.

 Mahibaro hin dugang mahitungod ha mensahe han Biblia nga paglaom ngan kon kay ano nga makakasiguro ka nga an mga panhitabo nga nakikita naton yana katumanan han tagna han Biblia. Kitaa an masunod nga mga artikulo.

 “Makakaasa Ka sa Isang Magandang Kinabukasan”

 “Ano an Tigaman han “Kataposan nga mga Adlaw” o “Panahon han Katapusan”?”

 “Inihula Ba ng Bibliya na Magiging Ganito ang Ugali ng mga Tao sa Ngayon?”