Han aga han Lunes, Oktubre 10, 2022, ginbombahan han Russia an pipira nga syudad han Ukraine sugad nga pagbulos ha makusog nga pagbuto duha ka adlaw antes hito nga nakaguba han tulay nga nagkukonektar ha Crimea ngan Russia. Nahitabo ini waray pag-iha katapos magpahamangno an pipira nga politiko nga an Armagedon bangin hirani na mahitabo.

•   “Yana pa la utro nagkaada posibilidad nga mag-Armagedon tikang ha panahon ni [U.S. President John F.] Kennedy ngan han Cuban Missile Crisis. . . . Para ha akon, imposible nga diri magresulta hin Armagedon an [paggamit] hin nuclear weapon.”—U.S. President Joe Biden, Oktubre 6, 2022.

•   “Nauyon ako nga mahimo ini magresulta hin Armagedon. Namimeligro gud an bug-os nga kalibotan.”—Ini an siring ni Ukraine President Volodymyr Zelensky han ginpakianhan hiya mahitungod ha mga resulta ha paggamit han mga nuclear weapon, BBC News, Oktubre 8, 2022.

 An paggamit ba hin mga nuclear weapon posible magresulta hin Armagedon? Ano an ginsisiring han Biblia?

 Diri. An pulong nga “Armagedon” mababasa ha Biblia hin makausa la ha Pahayag 16:16. Diri ini nagtutudlok ha girra han mga nasud kondi ha girra han Dios ngan han “mga hadi ha bug-os nga inuukyan nga tuna.” (Pahayag 16:14) Gagamiton han Dios an girra han Armagedon basi tapuson an pagmando han mga tawo.—Daniel 2:44.

 Para mahibaro hin dugang kon ano an magigin epekto han Armagedon ha tuna, basaha an artikulo nga Ano an Girra han Armagedon?

 Diri. Bisan kon an tawhanon nga mga magmarando mahimo gumamit hin mga nuclear weapon ha tiarabot, diri tutugotan han Dios nga mabungkag an tuna. An Biblia nasiring:

•   “An tuna nagpapabilin ha waray kataposan.”—Eclesiastes 1:4.

•   “An magtadong magtatag-iya han tuna, ngan maukoy hira dida ha waray kataposan.”—Salmo 37:29.

 Pero an tagna ha Biblia ngan an bag-o nga mga panhitabo nagpapakita nga hirani na magkaada daku nga pagbag-o ha tuna. (Mateo 24:3-7; 2 Timoteo 3:1-5) Hibaroi kon ano an ginsisiring han Biblia mahitungod ha mahitatabo ha tiarabot pinaagi han libre nga pag-aram ha Biblia.