Maaram hi Jesus kon ano an inaabat han mga nag-aantos tungod han krimen ngan kawaray-hustisya. Gin-akusaran hiya hin buwa, ilegal nga ginkastigo, diri makatadunganon nga ginbista, sayop nga ginsentensyahan, ngan ginpatay ha masakit nga paagi. Bisan kon inosente, gin-una niya an kaopayan han iba ngan kinaburut-on nga iginhalad an “iya kinabuhi sugad nga lukat para ha damu.” (Mateo 20:28; Juan 15:13) Yana, sugad nga Hadi han Ginhadian han Dios, magpapahinabo hiya hin hustisya ha bug-os nga tuna ha diri na maiha ngan wawad-on an krimen ha kadayonan.—Isaias 42:3.

 Iginhuhulagway han Biblia kon ano an magigin kahimtang han kalibotan kon gumios na hi Jesus:

•   Pero an mga maaghop magtatag-iya han tuna, ngan magmamalipayon hira hinduro tungod han hura nga kamurayawan.”—Salmo 37:10, 11.

 Paonan-o naton maipapakita an aton apresasyon ha ngatanan nga kan Jesus ginbuhat ngan bubuhaton pa para ha aton? Sugad han nakarekord ha Lucas 22:19, ginsidngan ni Jesus an iya mga sumurunod nga hinumdoman an iya kamatayon. Salit kada tuig, ha anibersaryo han iya kamatayon, an mga Saksi ni Jehova nagkakatirok. Gin-iimbitar ka namon nga umupod ha amon ha pagsaurog han Memoryal han kamatayon ni Jesus ha Domingo, Marso 24, 2024.

Pamiling hin Memoryal