ʼE Tui Koa Te Kau Fakamoʼoni ʼa Sehova Ki Te Tauhi ʼAfeā?
ʼE tui te kau Fakamoʼoni ʼa Sehova ʼe haʼu ia te Tohi-Tapu katoa mai te ʼAtua pea ʼe ʼaoga. (2 Timoteo 3:16) ʼE fakatahiʼi ʼi te Tohi-Tapu ia te Tauhi ʼAfeā pea mo te Tauhi Foʼou. Kaʼe ʼe tautau ui e te kau Fakamoʼoni ʼa Sehova ʼo ʼuhiga mo te ʼu koga ʼaia ʼo te Tohi-Tapu, ʼe ko te Koga Tohi-Tapu Fakahepeleo pea mo te Koga Tohi-Tapu Fakakeleka. ʼE natou ui feia ke ʼaua naʼa manatu te hahaʼi ʼe ʼi ai te koga ʼi te Tohi-Tapu ʼe mole kei ʼi ai hona ʼaoga.
He ko ʼe koa ʼe ʼaoga ki te kau Kilisitiano ia te Tauhi ʼAfeā mo te Tauhi Foʼou?
ʼAki te takitaki Fakaʼatua, neʼe tohi fenei e te ʼapositolo ko Paulo: “Ko te u mea fuli nee tohi fakatomua, nee tohi natou ki totatou akoi.” (Loma 15:4) Koia, ʼi te Koga Tohi-Tapu Fakahepeleo ʼe maʼu ai te ʼu manatu ʼe ʼaoga kia tatou, ohage la ʼe tou maʼu ai te ʼu hisitolia pea mo te ʼu tokoni ʼaoga.
Ko te ʼu fakamatala ʼe ʼaoga. ʼE fakamatala ʼi te Koga Tohi-Tapu Fakahepeleo ia te fakatupu ʼo te ʼu meʼa fuli pea mo te tupuʼaga ʼo te agahala ʼi te malamanei. Ka na ʼaua la te ʼu fakamatala ʼaia, ʼe mole feala ke tou mahino ki te ʼuhiga ʼo totatou maʼuli, pea mo te tupuʼaga ʼo tatatou mamate. (Senesi 2:7, 17) ʼE fakamatala ʼi te Koga Tohi-Tapu Fakahepeleo te ʼu felogoʼi ʼa Sehova ʼAtua mo te hahaʼi neʼe fiafia pea mo ʼihi neʼe tau mo he ʼu faigataʼaia, ʼohage pe ko tatou.—Sakopo 5:17.
He ʼu tokoni ʼe ʼaoga. ʼI te ʼu tohi ʼo Taʼaga Lea pea mo Ekelesiasi, ʼae ʼe kau ʼi te Koga Tohi-Tapu Fakahepeleo ʼo te Tohi-Tapu, ʼe tuʼu ai te ʼu tokoni poto ʼe ʼaoga ʼi te temi fuli pe logo la tanatou kua ʼafeā. ʼE tou maʼu ai te ʼu tokoni ʼe ʼaoga ki te maʼuli fiafia ʼo te famili (Taaga Lea 15:17), ke tou fakapotopoto ʼo ʼuhiga mo te gaue (Taaga Lea 10:4; Ekelesiasi 4:6), pea ke fua lelei te maʼuli ʼo te kau tupulaga (Ekelesiasi 11:9–12:1).
Pea ʼe feala ke fua lelei kia tatou tatatou ako te Lao ʼa Moisese, ohage ko tona tuʼu ʼi te Torah (ʼe ko te ʼu ʼuluaki tohi ʼe nima ʼo te Tohi-Tapu). Logo la ʼe mole fakamaʼua ki te kau Kilisitiano ke natou mulimuli ki te Lao ʼaia, kaʼe ʼe maʼu ai te ʼu pelesepeto maʼuhiga ʼe feala ke tokoni mai ke tou maʼuli fiafia.—Levitike 19:18; Teutalonome 6:5-7.
Te Tahi ʼu Manatu
AKONAKI TAFITO ʼO TE TOHI-TAPU
Ko Ai Te Tupuʼaga ʼo Te Tohi-Tapu?
Kapau ko te ʼu tagata neʼe natou tohi ia te Tohi-Tapu, he koʼe ʼe ui ʼe ko “te Folafola ʼa te ʼAtua”? Ko te ’u manatu ʼa ʼai ʼae ʼe tohi ʼi te Tohi-Tapu?
IA MATOU
Fakaʼui Hau ʼAʼahi
Faipalalau ki te Tohi-Tapu, pea mo maʼu he ʼu fakamahino ʼo ʼuhiga mo te kau Fakamoʼoni ʼa Sehova.
FEHUʼI ʼE FAI TUʼUMAʼU
ʼE ʼi Ai Koa He Tohi-Tapu ʼa Te Kau Fakamoʼoni ʼa Sehova?
ʼE feala ke ke hikihiki tau ako ia te Tohi-Tapu ʼaki tau fakaʼaogaʼi he ʼu fakaliliu kehekehe. Kae ʼe lelei hau fakaʼaogaʼi te Saintes Écritures. Traduction du Monde Nouveau.