ʼE mole māu te ʼu logo ʼo ʼuhiga mo te ʼu famili ʼae mole maʼuli fiafia.

• ʼO mulimuli ki te sivi neʼe fai e te INSEE, mai te taʼu 1990 ki te 2015, kua tuʼa lua age te lahi ʼo te mavete ʼohoana ʼi Falani ia natou ʼae neʼe taʼu 30 tupu tonatou nofo ʼohoana. Pea kua tuʼa tolu age ia natou ʼae neʼe kua ʼohoana taʼu 40 tupu.

• Kua lotolotolua te ʼu matuʼā: Koteʼuhi, ʼe fakalotomalohiʼi natou e te kau poto ke natou vikiʼi tuʼumaʼu ʼanatou fanau. Kae ko ʼihi kau poto, ʼe natou ui ʼe tonu ke aga fefeka te ʼu matuʼā he ʼe ko he faʼahiga tokoni ʼaia ki ʼanatou fanau.

• Ko te kau tupulaga, ʼi tanatou kua lalahi ʼe mole heʼeki natou maʼu te ʼu fealagia ʼae ʼe ʼaoga ki te taki ʼo tonatou maʼuli.

Kae he koʼe ko ʼihi famili ʼe natou maʼuʼuli fiafia? ʼI tona fakahagatonu . . .

• Ko te ʼohoana ʼe ko he noʼo ke talu ai pea ke maʼu ai te fiafia.

• ʼE feala ke ako e te ʼu matuʼā pe ʼe feafeaʼi he fakatonutonuʼi ʼo te ʼu fanau ʼaki te ʼofa.

• ʼE feala ke maʼu e te kau tupulaga te ʼu fealagia ʼae ʼe ʼaoga ke lelei ai tonatou maʼuli ki ʼamuli.

ʼO feafeaʼi? ʼE talanoa te nusipepa ʼaeni kia tokoni ʼe 12 ke fiafia ai te maʼuli fakafamili.