Kotou Haga Fakatalitali Ki Ai
“Tatau aipe peʼe tuai, haga fakatalitali ki ai.”
KATIKO: 128, 45
1, 2. ʼE tonu ke feafeaʼi te aga ʼa te ʼu kaugana ʼa Sehova?
ʼAKI he kataki fualoa, neʼe fakatalitali te ʼu kaugana ʼa Sehova ke hoko te ʼu lea fakapolofeta. Ohage la, neʼe fakatalitali Selemia ki te fakaʼauha ʼo Suta e te kau Papilone. Pea neʼe hoko te faʼahi ʼaia ʼi te taʼu 607 I.M.T.S. * (Selemia 25:8-11) Neʼe fakakikite e Esaia ʼe ʼave anai e Sehova ia te kau Sutea ʼae neʼe ʼaunofo ʼi Papilone ki Suta. Pea neʼe ina ui fenei: “Manuʼia ia natou fuli ʼae ʼe natou haga fakatalitali kia te ia.” (Esaia 30:18, MN) Neʼe toe fakatalitali ia Mikea ke hoko moʼoni ia te ʼu fakapapau ʼa Sehova. Neʼe ina ui fenei: “ʼE au lamalama anai ia Sehova.” (Mikea 7:7, MN) Pea lolotoga te ʼu taʼu ʼe lauʼi teau, neʼe tui papau ia te u kaugana ʼa te ʼAtua ʼe haʼu moʼoni anai ia Kilisito, te Mesia ʼae neʼe fakapapauʼi mai.—Luka 3:15; 1 Petelo 1:10-12. * (Vakaʼi te kiʼi nota.)
2 Ia ʼaho nei, ʼe tou toe fakatalitali ki te hoko ʼo te ʼu lea fakapolofeta ʼo ʼuhiga mo te Puleʼaga ʼo Sehova. ʼI tona ʼuhiga Hau ʼo te Puleʼaga, ʼe kua vave haofaki e Sesu ia te hahaʼi ʼa te ʼAtua mai te malama fakamataku ʼaeni. ʼE ina fakaʼauha anai te tagata 1 Soane 5:19) Koia ʼae ʼe tonu ai ke tou haga fakatalitali ki te hoko fakafokifa mai ʼo te ʼaho ʼo Sehova. Pea ʼe tonu ke tou fai ia meʼa fuli ke tou nonofo teuteu ki ai.
agakovi pea mo pulihi te ʼu mamahi fuli. (3. Kapau kua fualoa tatatou fakatalitali ki te hoko mai ʼo te fakaʼosi, kotea te fehuʼi ʼe lagi tou fai anai?
3 ʼE tou fakatalitali mo he fakaʼamu ki te ʼaho ʼae ka fakahoko ai e Sehova tona finegalo ʼi te kele. (Mateo 6:10) Kaʼe kapau kua fualoa tatatou fakatalitali ki te hoko mai ʼo te fakaʼosi, ʼe lagi ʼe tou feʼekeʼaki fenei: “He koʼe ʼe tonu anai ke tou haga fakatalitali ki te kua vave hoko mai ʼo te fakaʼosi?”
HE KOʼE ʼE TONU ANAI KE TOU HAGA FAKATALITALI KI TE KUA VAVE HOKO MAI ʼO TE FAKAʼOSI?
4. He koʼe ʼe maʼuhiga ke tou nonofo “alaala”?
4 Neʼe fakatotonu e Sesu ki ʼana tisipulo ke natou nonofo “alaala.” Koia ʼae ʼe maʼuhiga ai ke tou haga fakatalitali ki te kua vave hoko mai ʼo te fakaʼosi. (Mateo 24:42; Luka 21:34-36) Pea ʼe toe fakamanatuʼi mai e te kautahi ʼa Sehova ke tou ‘fakatalitali pea mo taupau maʼu ʼi ʼotatou ʼatamai ia te hoko mai ʼo te ʼaho ʼo Sehova.’ Pea ke tou tokakaga tafitō ki te fakapapau ʼa Sehova ʼo ʼuhiga mo te malama foʼou.—Lau ia 2 Petelo 3:11-13.
5. Kotea ia te tahi tupuʼaga ʼo tatatou fakatalitali ki te ʼaho ʼo Sehova?
5 Kapau neʼe ʼaoga ke haga fakatalitali te ʼu tisipulo ʼa Sesu ʼo te temi muʼa ki te ʼaho ʼo Sehova, pea ʼe toe maʼuhiga age te faʼahi ʼaia kia tatou ia ʼaho nei. Kotea tona tupuʼaga? Koteʼuhi ko te fakailoga ʼae neʼe foaki e Sesu, ʼe ha ai kua Hau ʼi te Puleʼaga ʼo te ʼAtua talu mai te taʼu 1914, pea ʼe tou maʼuʼuli nei ʼi te ʼu ʼaho fakamuli peʼe ko “te fakaosi o te malamanei.” Ohage la, neʼe fakakikite e Sesu ia te kua ʼaʼasili kovi ʼo te ʼu aluʼaga ʼo te malamanei pea ʼe lolotoga fakamafola ia te logo lelei ʼo te Puleʼaga ʼi te kele katoa. (Mateo 24:3, 7-14) Neʼe mole fakaha e Sesu ia te loaloaga ʼo te ʼu ʼaho fakamuli. Koia ʼae ʼe tonu ai ke tou nonofo teuteu ki te hoko fakafokifa mai ʼo te fakaʼosi.
6. ʼE tou iloʼi feafeaʼi ʼe ʼaʼasili kovi age anai te ʼu aluʼaga ʼo te malamanei ʼi tatatou fakaovi ʼae ki te fakaʼosi?
6 ʼE fakaʼuhiga koa ia “te fakaosi o te malamanei” ki he temi ʼi te ka haʼu moka liliu anai te malamanei ʼo ʼaʼasili kovi age? ʼE ui ʼi te Tohi-Tapu ʼe ʼaʼasili agakovi anai te hahaʼi “i te u aho fakamuli.” (2 Timoteo 3:1, 13; Mateo 24:21; Apokalipisi 12:12) Pea tahi, logola ʼe kovi ia te ʼu aluʼaga ʼaia ia ʼaho nei kaʼe ʼe tou iloʼi ʼe hoko atu pe anai tona ʼaʼasili kovi age.
7. Kotea ia te ako ʼe tou maʼu mai ia Mateo 24:37-39 ʼo ʼuhiga mo te ʼu aluʼaga ʼo te malamanei ʼi te ʼu ʼaho fakamuli?
7 ʼI muʼa ʼo te “mamahi lahi”, ko ʼihi ʼe natou manatu ʼe ʼi ai anai te tau ʼi te ʼu fenua fuli pea tokolahi te hahaʼi ʼe mahahaki anai peʼe pakupaku. (Apokalipisi 7:14) Kaʼe kapau ʼe hoko te faʼahi ʼaia, ʼe mahino ai kia natou ko te lea fakapolofeta ʼo te Tohi-Tapu ʼe lolotoga hoko. ʼO toe feia pe mo te hahaʼi ʼae neʼe mole natou fia logo ki te ʼu moʼoni ʼae ʼi te Tohi-Tapu. Kotou manatuʼi, neʼe ui e Sesu tokolahi te hahaʼi ʼe ‘mole natou tokagaʼi anai he meʼa’ ʼi te ʼu ʼaho fakamuli. ʼE hage pe anai tonatou maʼuli ko te agamahani pea ʼe natou punamaʼuli anai ki te hoko mai ʼo te ʼaho ʼo Sehova. (Lau ia Mateo 24:37-39.) ʼE mahino ia, ʼe mole tonu anai ke tou manatu ko te ʼu aluʼaga ʼo te malamanei ʼe kovi ʼaupito age anai ʼi muʼa ʼo te “mamahi lahi.” ʼO tupu ai te tui ʼa te hahaʼi kua ovi mai te fakaʼosi.—Luka 17:20; 2 Petelo 3:3, 4.
ʼE tou tui papau ʼe tou maʼuʼuli ʼi te “fakaosi o te malamanei”
8. ʼUhi ʼae ʼe tou nonofo tokakaga ki te fakailoga ʼa Sesu, kotea ʼae ʼe tou tui papau ki ai?
8 Ko te fakailoga ʼae neʼe foaki e Sesu, neʼe Mateo 24:27, 42) Talu mai te taʼu 1914, ʼe lolotoga hoko ia te ʼu koga kehekehe ʼo te fakailoga ʼa Sesu. Pea ʼe tou tui papau ai ʼe tou maʼuʼuli ʼi “te fakaosi o te malamanei.” Neʼe kua fakatuʼutuʼu e Sehova pe ʼe ko te temi fea ʼae ka ina fakaʼauha anai te malama ʼa Satana.
ko he fakatokaga lelei ki ʼana tisipulo ʼo ʼuhiga mo te temi ʼae ʼe natou maʼuʼuli ai anai. Neʼe nonofo tokakaga te ʼu tisipulo ʼa Sesu. (9. He koʼe ʼe tonu ke tou haga fakatalitali ki te kua vave hoko mai ʼo te fakaʼosi?
9 He koʼe ʼe tonu ke tou haga fakatalitali ki te kua vave hoko mai ʼo te fakaʼosi? Koteʼuhi ʼe tou fakalogo kia Sesu Kilisito. Pea tahi, ʼe tou sisio lelei ki te hoko moʼoni ʼo te fakailoga ʼae neʼe foaki e Sesu ʼo ʼuhiga mo te ʼu ʼaho fakamuli. ʼE tou tui papau kua ovi mai te fakaʼosi koteʼuhi ʼe lolotoga hoko ia te ʼu lea fakapolofeta Fakatohi-tapu. Kaʼe ʼe mole tou tui pe ʼuhi neʼe tou logo ki ai. Koia ʼae ʼe tonu ai ke tou nonofo tokakaga pea mo nonofo teuteu ki te ovi mai ʼo te fakaʼosi.
KO TEMI ʼE FIA ʼE TONU KE TOU FAKATALITALI AI?
10, 11. (1) He koʼe neʼe ui e Sesu ki ʼana tisipulo ke natou nonofo “alaala”? (2) Kotea ʼae neʼe ui e Sesu ki ʼana tisipulo ke natou fai mo kapau ʼe mole haʼu fakavilivili ohage ko tanatou fakaʼamu ki ai? (Vakaʼi te ʼuluaki pāki.)
10 Tokolahi ia tatou neʼe tou tauhi agatonu kia Sehova pea mo fakatalitali lolotoga ni taʼu ki te hoko mai ʼo tona ʼaho mo he kataki fualoa. ʼE tonu ke tou haga fakatalitali ki te kua vave hoko mai ʼo te ʼaho ʼo Sehova, tatau aipe pe ʼe ko temi ʼe fia neʼe tou fakatalitali ai. Pea ʼe tonu ke tou nonofo teuteu ki te temi ʼae ka haʼu ai anai ia Sesu ʼo fakaʼauha te malama ʼa Satana. Kotou manatuʼi pe ʼe kotea ʼae neʼe fakatotonu e Sesu ki ʼana tisipulo ke natou fai. Neʼe ina ui fenei: “Koutou tokaga, koutou alaala pea koutou faikole; koteuhi e mole koutou iloi pe e hau fakaa anai te aho aia. E hage anai ko he tagata ae ka folau e ina tuku tona fale, pea e ina tuku te pule ki ana tagata faifekau, o fakailoilo ki te tagata taki tahi tana gaue, pea nee ina fakatotonu ki te tagata leo matapa ke alaala. Koia, koutou alaala, koteuhi e mole kotou iloi te lakaga e liliu mai anai te pule o te fale, pee ko te afiafi, pee ko te vaelua po, pee ko te uua o te u moa, pee ko te uhu. Kotou matataku naa hau fakafokifa ia ia, o mau mai koutou e kotou momoe. Ko te mea e au fakaha kia koutou, e au fakaha ia ia ki te hahai fuli: Koutou alaala.”—Maleko 13:33-37.
ʼE feala ke hoko fakavilivili pea mo fakafokifa ia te ʼohofi ʼaia
11 ʼI te temi ʼae neʼe iloʼi ai e te ʼu tisipulo ʼa Sesu ia tana kamata pule ʼi te taʼu 1914, neʼe natou mahino ai ko te fakaʼosi ʼe hoko fakafokifa anai. Koia ʼae neʼe lahi ai tanatou gaue faifakamafola ke natou nonofo teuteu ai ki tana haʼu. Neʼe ui e Sesu ʼe feala ke haʼu ‘ ʼi te temi ʼae ʼe ʼuʼua ai te moa peʼe ʼi te kei hegihegi.’ Kapau neʼe hoko te faʼahi ʼaia, kotea ʼae neʼe tonu ke fai e ʼana tisipulo? Neʼe ui fenei e Sesu: “Koutou alaala.” Koia, kapau ʼe tou manatu kua fualoa tatatou fakatalitali, ʼe mole fakaʼuhiga leva ʼe kei mamaʼo te fakaʼosi peʼe mole hoko mai anai ʼi te temi ʼae ke tou maʼuʼuli ai.
12. Kotea ʼae neʼe kole e Hapakuke kia Sehova? Pea kotea te tali ʼae neʼe fai age e te ʼAtua?
12 ʼAki he kataki fualoa, neʼe fakatalitali ia te polofeta ko Hapakuke pea mo fakamafola ia te fakaʼauha ʼo Selusalemi. Neʼe ʼi ai ʼihi Hapakuke 1:1-4; 2:3. *
kau polofeta ʼi muʼa atu ʼo Hapakuke, neʼe natou toe fakamafola ia te logo ʼaia talu mai fualoa. Neʼe feala ke tokagaʼi e Hapakuke ia te ʼaʼasili ʼo te agakovi pea mo te heʼe faitotonu ʼo laka age ʼi te temi muʼa. Neʼe kole tokoni kia Sehova, ʼo ina ui pe ‘e kaku anai ki ʼafeā, Sehova, ʼe tonu anai ke au kalaga ke ke haofaki au?’ Logola neʼe mole fakaha e Sehova te temi ʼae ka hoko mai ai te fakaʼosi, kaʼe neʼe ina fakapapauʼi fenei kia Hapakuke: “ ʼE mole tauhala anai ia.” Pea neʼe toe ui e Sehova kia Hapakuke ke “haga fakatalitali.”—Lau ia13. Kotea ia te ʼu manatu neʼe feala ke maʼu e Hapakuke, pea he koʼe neʼe feala ke fakatupu tuʼutamaki?
13 Kotou fakakaukauʼi age muʼa mo ka na pau la neʼe kua fiu ia Hapakuke ʼi te fakatalitali ki te fakaʼosi pea mo ina ui fenei: ‘Neʼe au fakatalitali ki te fakaʼauha ʼo Selusalemi talu mai fualoa. ʼE kei mamaʼo ia te fakaʼosi. ʼE mole ʼaoga ke au haga fakamafola ia te logo ʼaia. Pea ʼe feala ki ʼihi ke natou fai te gaue ʼaia.’ Kotea anai ka hoko mo kapau neʼe ina maʼu te faʼahiga manatu ʼaia? ʼE mole ina maʼu anai te ʼofa ʼo Sehova. Pea kapau neʼe mole nofo teuteu ki te hoko mai ʼo te fakaʼosi, ʼe mate anai.
14. He koʼe ʼe tou lotofakafetaʼi anai kia Sehova ʼi tana fakatokaga tatou ke tou haga fakatalitali ki te fakaʼosi?
14 Kotou fakakaukauʼi age muʼa kua kotou nonofo nei ʼi te malama foʼou. Neʼe hoko moʼoni ia te ʼu aluʼaga fuli ʼae neʼe fakakikite ʼo ʼuhiga mo te ʼu ʼaho fakamuli ohage pe ko tona ui e Sehova. ʼE lahi age anai takotou falala ʼae kia Sehova ʼo laka age ʼi te temi muʼa. Pea ʼe kotou tui papau ʼe ina fai anai ia te ʼu meʼa fuli ʼae neʼe ina fakapapauʼi. (Lau ia Sosue 23:14.) ʼE kotou lotofakafetaʼi anai kia Sehova ʼo ʼuhiga mo tana fakahoko ia te fakaʼosi ʼi tona temi totonu pea mo tana fakatokaga tana hahaʼi ke natou haga fakatalitali ki te ʼaho ʼaia.—Gaue 1:7; 1 Petelo 4:7.
TOU FAKATALITALI KI AI MO HAGA FAIFAKAMAFOLA
15, 16. He koʼe ʼe tonu ke tou fai ia meʼa fuli ʼe tou fealagia moʼo faifakamafola ʼi te ʼu temi fakaʼosi ʼaeni?
15 ʼE haga fakamanatuʼi mai anai e te kautahi ʼa Sehova ke tou tokakaga tafitō ki tatatou tauhi ʼae kia te ia. ʼE tokoni mai te ʼu fakamanatu ʼaia ke mole tou maʼumaʼua pe ʼi tatatou tauhi ʼae ki te ʼAtua kaʼe ke tou mahino Mateo 6:33; Maleko 13:10.
ki te maʼuhiga ʼo te logo ʼae ʼe tou tala. ʼE tou tui papau ʼe lolotoga hoko nei ia te fakailoga ʼae neʼe foaki e Sesu pea kua ovi mai pe ia te fakaʼosi. Koia ʼae ʼe tou fakamuʼamuʼa ai ia Sehova ʼi totatou maʼuli pea mo haga fakamafola te ʼu logo lelei ʼo ʼuhiga mo te Puleʼaga.—16 Moka tou fakamafola te logo lelei ki ʼihi, ʼe tou haofaki ai natou mai te fakaʼosi ʼo te malama ʼa Satana ʼae kua vave hoko mai. Neʼe ʼi ai te tuʼutamaki fakamataku neʼe hoko ʼi te taʼu 1945, ʼi te temi ʼae neʼe mou ai te vaka Wilhelm Gustloff ʼi te tai. Ko te toko lauʼi afe hahaʼi neʼe mamate ai. Neʼe haofaki ai ia te tuagaʼane mo tona ʼohoana mai te vaka. ʼI te temi ʼae neʼe lolotoga mou ai te vaka, ʼe ina manatuʼi neʼe kalaga fenei he fafine: “ʼAku pasikete. ʼAku pasikete. ʼAku meʼa gigila. ʼE tuku ʼaku meʼa gigila fuli ʼi lalo ʼi te koga fale. ʼE kua puli fuli ʼaku meʼa.” Kaʼe ko ʼihi ʼo te kau folau neʼe natou mahino ki te faʼahi ʼae ʼe maʼuhiga age pea neʼe natou gaue kinakina ke haofaki te maʼuli ʼo te hahaʼi. Ia ʼaho nei, ʼe ʼi ai te ʼu maʼuli ʼe tonu ke haofaki. ʼE tou toe fia faʼifaʼitakiʼi ia te kau folau lotofoaki ʼaia pea mo tokakaga tafitō ki te gaue faifakamafola. ʼE tonu ke tou fai ia meʼa fuli ʼe tou fealagia moʼo tokoni ki te hahaʼi ke natou hao mai te fakaʼosi ʼo te malama ʼaeni.
17. He koʼe ʼe tonu ke tou tui ʼe hoko fakafokifa anai te fakaʼosi?
17 ʼE feala ke tou sisio lelei ki te Apokalipisi 17:16) ʼE mole tonu ke tou fakaʼamu ʼe ʼaoga anai he temi loaloaga ʼi muʼa ʼo te hoko mai ʼo te faʼahi ʼaia. ʼAua naʼa galo kia tatou ʼe ko te ʼAtua ʼae ka ina “tuku . . . ki onatou loto” ʼana manatu moʼo ʼohofi te lotu hala. Pea ʼe feala ke hoko fakavilivili pea mo fakafokifa ia te faʼahi ʼaia. (Apokalipisi 17:17) Kua ovi mai pe te fakaʼosi ʼo te malama agakovi ʼa Satana. Koia ʼae ʼe tonu ai ke tou fakalogo ki te fakatokaga ʼaeni ʼa Sesu: “Koutou tokaga kia koutou totonu, ke aua naa mafasia okotou loto i te kai fakavale, mo te inu fakavale, pea mo te u fakahoha o te mauli, pea ke aua naa hau fakapunamauli te aho aena kia koutou. Koteuhi e hau anai ia o hage ko he kupega.” (Luka 21:34, 35; Apokalipisi 16:15) Tou nonofo tokakaga pea mo haga maʼumaʼua ʼi te tauhi ʼae kia Sehova ʼo tou falala ʼe “tokoni kia natou ʼae ʼe haga fakatalitali kia te ia.”—Esaia 64:4, MN.
lolotoga hoko ʼo te ʼu lea fakapolofeta ʼo te Tohi-Tapu pea mo te kua ovi mai ʼo te fakaʼosi ʼo te malama agakovi ʼaeni. ʼE tou fakatalitali ki te fakafeagai ʼa te ʼu “tala e hogofulu” mo te “manu” fekai ki te lotu hala, ia Papilone Lahi. (18. Kotea ia te fehuʼi ka tou tali anai ki ai ʼi te alatike ka hoa mai?
18 ʼI tatatou fakatalitali ki te fakaʼosi ʼo te malama agakovi ʼaeni, ʼe tonu ke tou fakalogo ki te tokoni ʼaeni ʼa te tisipulo ko Suta: “Nai ofaina, ke kotou faufau koutou totonu i takotou tui maonioni, pea ke kotou faikole i te Laumalie Maonioni, ke kotou nonofo mau i te ofa o te Atua, o talitali ki te manavaofa o totatou Aliki ko Sesu-Kilisito o uhiga mo te mauli heegata.” (Suta 20, 21) Kaʼe ʼe tou lava fakaha feafeaʼi ʼe tou fakatalitali ki te malama foʼou ʼa te ʼAtua ʼae kua vave fakatuʼu ʼaki he kataki fualoa? ʼE tou talanoa anai ki ai ʼi te alatike ka hoa mai.
^ pal. 1 Ko te ’u mataʼi tohi ʼaeni I.M.T.S. ko tona fakaʼuhiga: ʼI Muʼa ʼo te Temi ʼo Sesu.
^ pal. 1 Vakaʼi te tahi ʼu lea fakapolofeta Fakatohi-tapu ʼo ʼuhiga mo te Mesia pea neʼe hoko moʼoni feafeaʼi ʼi te pasina 200 ʼo te tohi Koteā ’Aē ’e Ako’i Mo’oni Mai ’i Te Tohi-Tapu?
^ pal. 12 Hapakuke 2:3, MN: Heʼe ko te meʼa ʼae neʼe ha ʼe kei tuku ia ki te temi ʼae neʼe fakakatofa ki ai, pea ʼe haʼele ia ʼo aʼu ki te fakaʼosi, pea ʼe mole loi anai ia. Tatau aipe pe ʼe tuai, haga fakatalitali ki ai; heʼe hoko moʼoni anai ia. ʼE mole tauhala anai ia.